దారికి అడ్డురావొద్దు: మావోయిస్టుల వార్నింగ్

తాము వెళ్లే దారికి అడ్డు రావొద్దని మావోయిస్టులు హెచ్చరించారు. తమకు పోలీసులు, జవాన్లపై పగలేదని, ప్రభుత్వం చేపడుతున్న గ్రీన్‌ హంట్‌ ఆపరేషన్‌ను నిరసిస్తూ సుక్మా దాడి చేసినట్లు చెప్పారు. ఈ మేరకు ఓ ఆడియో క్లిప్‌ను విడుదల చేశారు.

ఛత్తీసగడ్‌లో సుక్మాలో మావోయిస్టులు దాడి చేసి 25మంది సీఆర్‌పీఎఫ్‌ జవాన్లు మృత్యువాతపడ్డారు. ఈ దాడికి గల కారణాలు ఓ ఆడియో ద్వారా మావోయిస్టులు విడుదల చేశారు. పావుగంటపాటున్న ఈ ఆడియోలో మాట్లాడిన వ్యక్తి తనను వికల్ప్ గా పేర్కొన్నాడు.

హిందీలో మాట్లాడిన ఆయన విప్లవదారికి అడ్డు ఉండొద్దని హెచ్చరించారు. కేంద్ర బలగాలు ఉపసంహరించుకోవాలని డిమాండ్ చేశారు. అమాయకులపై దాడులు, తమ మహిళలపై లైంగిక దాడులకు ప్రతీకారంగానే పీపుల్స్‌ లిబరేషన్‌ గెరిల్లా ఆర్మీ(పీఎల్‌జీఏ) అనే సంస్థ ఈ దాడి చేసినట్లు పేర్కొన్నాడు.