వరస అగ్ని ప్రమాదాలు.. వణికిపోతున్న ముంబైవాసులు!

దేశ ఆర్థిక రాజధాని ముంబైని అగ్నిప్రమాదం మరోసారి వణికించింది. నగరంలోని కంజూర్ మార్గ్‌లోని సినీవిస్టా స్టూడియోలో శనివారం (జనవరి 6) సాయంత్రం భారీ అగ్ని ప్రమాదం చోటు చేసుకుంది. ఆ సమయంలో ‘బెపనాచ్’ (కలర్స్), ‘హాసిల్’ (సోనీ టీవీ) కార్యక్రమాలకు సంబంధించిన షూటింగ్‌లతో స్టూడియో కిక్కిరిసిపోయింది. అయితే.. తక్షణ అప్రమత్తతతో ఈ ఘటనలో ఎవరికీ ఎలాంటి ప్రమాదం వాటిల్లకపోవడంతో అందరూ ఊపిరి పీల్చుకున్నారు. బీఎంసీ (బృహత్ ముంబై కార్పొరేషన్) సిబ్బంది మంటలను అదుపులోకి తీసుకొచ్చే ప్రయత్నం చేస్తున్నారు.

గత పది రోజుల వ్యవధిలో ఇది మూడో ప్రమాదం కావడం గమనార్హం. ఇటీవల నగరంలోని ఓ రెస్టారెంట్‌లో జరిగిన అగ్ని ప్రమాదంలో పుట్టిన రోజు వేడుకల్లో మునిగితేలిన 14 మంది దుర్మరణం పాలైన సంగతి తెలిసిందే. రెండు రోజుల కిందట జరిగిన మరో అగ్ని ప్రమాదంలో నలుగురు వ్యక్తులు మృత్యువాతపడ్డారు.

Also Read: రియల్ హీరో.. సాహసంతో ప్రాణాలు నిలిపాడు!