మాయావతి రాజీనామాకు రాజ్యసభ ఆమోదం

బీఎస్పీ అధినేత్రి మాయావతి సభ్యత్వానికి చేసిన రాజీనామాను రాజ్యసభ గురువారం ఆమోదించింది. దేశవ్యాప్తంగా దళితులు, ముస్లిం మైనార్టీలపై జరగుతున్న దాడులపై తనకు మాట్లాడే అవకాశం కల్పించనందుకు మాయావతి ఆవేదన వ్యక్తం చేశారు. తమ వర్గాల బాధలు, వారిపై జరుగుతున్న దాడులను సభ దృష్టికి తీసుకురానివ్వకుండా ప్రభుత్వం అడ్డుకుందని, అలాంటి సభలో మెంబర్ గా తానుండలేని మంగళవారం మాయావతి స్పష్టం చేశారు. తన ప్రసంగాన్ని మధ్యలోనే అడ్డుకున్నందుకు నిరసనగా మంగళవారమే ఆమె రాజీనామా చేస్తానని హెచ్చరించారు. అన్నట్లుగా రాజీనామా లేఖను రాజ్యసభ చైర్మన్ కు పంపించారు.

దీంతో గురువారం ఆమె రాజీనామాను రాజ్యసభ ఆమోదించింది.
కాగా మాయావతి పదవీకాలం వచ్చే ఏడాది ఏప్రిల్ వరకు ఉంది. రాజీనామా చేసిన మాయావతికి లెఫ్ట్, కాంగ్రెస్, ఇతర ప్రతిపక్ష పార్టీలు బాసటగా నిలిచాయి.