అత్యవసరంగా ఆపరేషన్ చేసిన ఎమ్మెల్యే

ఓ ఎమ్మెల్యే అత్యవసర పరిస్థితిలో ఆపరేషన్ చేసి మహిళ ప్రాణాలు కాపాడారు. మిజోరం రాష్ట్రంలోని సైహా జిల్లాకు చెందిన బీచువా వృత్తిరీత్యా డాక్టర్. ఆయన ఎంబీబీఎస్ పూర్తి చేశాక 20 ఏళ్ల పాటు డాక్టర్ వృత్తిలో ఉన్నారు. వందలాది ఆపరేషన్లు చేశారు. ఆయన భార్య కూడా వైద్యురాలే. కాగా 2013లో ఆయన రాజకీయాల్లో చేరి ఎమ్మెల్యే అయ్యారు. ఎమ్మెల్యే అయ్యాక 2013 డిసెంబర్ లో చివరిగా ఓ ఆపరేషన్ చేశారు. తరువాత రాజకీయాల్లో బిజీ అయిపోవడంతో డాక్టర్ వృత్తిని వదిలేశారు. అయితే దాదాపు మూడేళ్ల తరువాత మళ్లీ ఆయన సర్జన్ గా మారారు.


సైహా జిల్లాలోని ప్రభుత్వాసుపత్రిలో ఒకే ఒక సర్జన్ ఉన్నారు. ఆయన పనిమీద వెళ్లారు. ఒక మహిళ కడుపునొప్పితో ఆసుపత్రికి వచ్చింది. ఆమెకు వెంటనే ఆపరేషన్ చేయకపోతే మరణించే అవకాశం ఉంది. దీంతో విషయం బీచువా... తానే సర్జన్ గా మారారు. ఆమెకు తానే అత్యవసర ఆపరేషన్ చేశారు. ఆపరేషన్ విజయవంతమైంది. మరుసటి రోజు కూడా వెళ్లి రోగిని పరామర్శించి వచ్చారు. దీంతో అక్కడ ఉన్నవారంత ఎమ్మెల్యే ఉదారతను మెచ్చుకున్నారు. తనకెందుకులే అని వదిలేసిపోకుండా... నిండుప్రాణాన్ని కాపాడారంటూ ప్రశంసలు కురిపించారు. బీచువా మాట్లాడుతూ... పేషెంట్ చూసివచ్చానని... ప్రస్తుతం ఆమె ఆరోగ్యం నిలకడగా ఉందని చెప్పారు.