ఆ డీవీడీని గవర్నర్‌కి అందజేసిన స్టాలిన్

ఇటీవల తమిళనాడులో దుమారం రేపిన 'ఎమ్మెల్యేస్ ఫర్ సేల్' వ్యవహారం తమిళనాడు రాజకీయాల్లో ప్రకంపనలు సృష్టిస్తున్నాయి. టైమ్స్ నౌ ఛానెల్ జరిపిన స్టింగ్ ఆపరేషన్‌కి సంబంధించిన వీడియో డీవీడీని డీఎంకే పార్టీ వర్కింగ్ ప్రెసిడెంట్ ఎంకే స్టాలిన్ ఆ రాష్ట్ర గవర్నర్ విద్యాసాగర్ రావుని కలిసి అందజేశారు. ఎమ్మెల్యేలకి కోట్లు పోసి కొనుగోలు చేయడం ద్వారా అధికారంలోకి వచ్చిన పళనిస్వామి ప్రభుత్వాన్ని రద్దు చేసి, ఏఐఏడీఎంకే పార్టీపై చర్యలు తీసుకోవాల్సిందిగా స్టాలిన్ గవర్నర్‌కి ఫిర్యాదు చేశారు.

కుట్రపూరితమైన విధానంతో అధికారపీఠాన్ని చేజిక్కించుకున్న పళనిస్వామి ప్రభుత్వంపై సీబీఐ, ఈడీ చేత విచారణ జరిపించాలని స్టాలిన్ ఈ సందర్భంగా గవర్నర్‌ని కోరారు.