అందుకే మొబైల్ ఫోన్లను నిషేదిస్తా: మోదీ

మొబైల్ ఫోన్లు జీవితంలో భాగమైపోయిన కాలమింది. అది లేకుంటే శరీరంలో అతిప్రాధానమైన అవయావాన్ని తీసేసినట్లే ఫీలవుతాం. అందుకే ముఖ్యమైన మీటింగుల్లోనూ ఉన్నతాధికారులు సైతం అసలు విషయం పక్కన బెట్టి.. సెల్ ఫోన్లలో చాటింగులు, టాకింగ్ లతో టైం పాస్ చేస్తారు. దీన్ని చాలా సందర్భాల్లో గమనించిన ప్రధానమంత్రి నరేంద్ర మోదీ.. తనతో సమావేశాలు ఏర్పాటు చేసిన ప్రతి సందర్భంలోనూ సెల్ ఫోన్లను నిషేదం విధించారు.

శుక్రవారం ఢిల్లీలో జరిగిన ‘సివిల్ సర్విసెస్ డే’కు మోదీ ముఖ్య అతిథిగా హాజరయ్యారు. ఈ సందర్భంగా తాను మొబైల్ పోన్లపై ఎప్పుడు, ఎందుకు నిషేదం విధిస్తారో వివరించారు.

‘ఈ రోజుల్లో అధికారులు మొబైల్ ఫోన్లలో బిజీ..బిజీ...బిజీ ఉండటం చూశా. అందుకే నా మీటింగ్ లలో మొబైళ్లను నిషేదించా’ అని చెప్పారు.

ప్రజలు ఈ- గవర్నెన్స్ నుంచి మొబైల్ గవర్నెన్స్ కు మారారని.. మార్పునకు ఇదో నాంది ఆయన పేర్కొన్నారు.

సివిల్ సర్వెంట్లు సమాజానికి ఆదర్శవంతంగా ఉండాలని మోదీ సూచించారు. మార్పుతోపాటు సంస్కరణలకు సలహాలు, సూచనలు ఇవ్వాలని కోరారు.