అమీర్‌ఖాన్ పాత్రలో ప్రధాని మోదీ!

ప్రధానమంత్రి నరేంద్రమోదీ బాలీవుడ్ హీరో అమీర్ ఖాన్‌ పాత్ర పోషించనున్నారు. అయితే అది వెండితెరపై కాదు. విదేశీ పర్యటకులు, పెట్టుబడులను ఆకర్శించేందుకు ఎన్డీయే ప్రభుత్వం ప్రారంభించిన ‘ఇంక్రెడిబుల్ ఇండియా’-Incredible Indiaకు మోదీ బ్రాండ్ అంబాసిడర్ గా మారనున్నారు.

ఈ యేడాది జనవరి వరకు ఈ పథకానికి అమీర్ ఖాన్ బ్రాండ్ అంబాసిడర్ గా వ్యవహిరించే వారు. అసహనంపై పెద్ద ఎత్తున చర్చ జరిగినప్పుడు...అమీర్ చేసిన వ్యాఖ్యలపై విమర్శలు వెల్లువెత్తాయి. ‘ఇండియా అసహనం పేరుతో దాడులు జరుగుతున్నాయి. ఈదేశం వదిలి వెళ్దామా అని నా భార్య భయందోళన చెందింది’ అంటూ అమీర్ చేసిన వ్యాఖ్యలకు నిరసనగా ఆయన...ప్రమోట్ చేసే బ్రాండ్ల నుంచి ఆయన్ను తొలగించాయి ఆయా సంస్థలు. ఈ నేపథ్యంలోనే ఇంక్రెడిబుల్ ఇండియాను రూపొందించిన ప్రైవేటు ఏజెన్సీ కూడా అమీర్ ను బ్రాండ్ అంబాసిడర్ స్థానం నుంచి తొలగించింది.

అప్పటి నుంచి ఆ ఇంక్రెడిబుల్ ఇండియాకు ప్రచారకర్త కరువయ్యారు. అమీర్ స్థానంలో బాలీవుడ్ బిగ్ బీ అమితాబ్ బచ్చన్, ప్రియాంక చోప్రా వంటి వారిని బ్రాండ్ అంబాసిడర్లుగా నియమించాలని మోదీ ప్రభుత్వం భావించింది. కానీ అది కార్యరూపం దాల్చలేదు.

అయితే మోదీ విధానాలు, ఆయన ఆకట్టుకునే ప్రసంగాలతో ఇప్పటికే విదేశాల నుంచి పెట్టుబడులు రప్పించడమేగాకుండా..పర్యటకుల సంఖ్య పెరిందని కేంద్ర పర్యాటక శాఖ భావిస్తోంది. అలాంటప్పుడు...ఇంక్రెడిబుల్ ఇండియాకు ప్రత్యేకించి స్టార్ క్యాంపెయినింగ్ అవసరం లేదని, మోదీతో ఆ ప్రచారం చేస్తే సరిపోతుందని కేంద్రప్రభుత్వం భావిస్తోంది.

ఇంక్రెడిబుల్ ఇండియాపై మోదీ చేసిన ప్రసంగాల్లో ది బెస్ట్ ను ఎంపిక చేసి ఆ వీడియో పుటేజీల నుంచి బ్రాండ్ అంబాసిడర్ యాడ్ రూపొందిస్తామని, రేడియో, టీవీ ఛానళ్లలకు ప్రత్యేకంగా యాడ్ రూపొందిస్తామని కేంద్ర పర్యాటక శాఖ ఉన్నతాధికారి ఒకరు తెలిపారు.

బ్రిటన్, అమెరికా, ఆస్ట్రేలియా, కెనడా, బ్రెజిల్, మాయన్మార్ లేగాక ఇప్పటి వరకు మోదీ పర్యటించిన దేశాల నుంచి మంచి రెస్పాన్స్ ఉంది. అలాంటప్పుడు ఆ పథకానికి కొత్త ముఖం ఎందుకు, మోదీ ఈజ్ ద బెస్ట్ ఫేస్ అని పర్యాటక మంత్రి మహేష్ శర్మ కితాబిస్తున్నారు.

ప్రచార చిత్రాన్ని రూపొందించేందకు ఎజెన్సీ కోసం చూస్తున్నామని, రానున్న రెండు నెలల్లో మోదీ ప్రకటనలు రూపొందించి విడుదల చేస్తామని ఆయన తెలిపారు.