నోట్లరద్దుపై మోదీ గుట్టు విప్పుతా: రాహుల్

నోట్లరద్దు వెనక ప్రధానమంత్రి నరేంద్ర మోదీ అసలు రహస్యం తనకు తెలుసని..దాని గుట్టు పార్లమెంటులో విప్పుతానని కాంగ్రెస్ ఉపాధ్యక్షుడు రాహుల్ గాంధీ అన్నారు. ప్రజాస్వామ్య దేశంలో ప్రధాని ప్రజలకు జవాబుదారీగా ఉండాలని ఆయన సూచించారు. బుధవారం రాహుల్ మీడియాతో మాట్లాడారు.

‘నోట్లరద్దుకు సంబంధించిన మోదీకి చెందిన వ్యక్తిగత సమాచారం నా వద్ద ఉంది. అది మోదీ గుట్టు విప్పుతుంది. ఇది మోదీ వ్యక్తిగత అవినీతికి సంబంధించిన సమాచారం. అందుకే మోదీ భయపడుతున్నారు’ అని రాహుల్ అన్నారు.

ప్రతిపక్షాలకు మోదీ భయపడుతున్నారు గనుకే సభలో ఆయన మాట్లాడటం లేదని ఎద్దేవా చేశారు. నెల రోజులుగా పెద్దనోట్ల రద్దుపై సభలో చర్చ జరగాలని పట్టుబడుతున్నా...ప్రభుత్వం, మోదీ అడ్డుపడుతున్నారని రాహుల్ మండిపడ్డారు. మోదీ కావాలనుకున్నంత సేపు పెద్దనోట్ల రద్దుపై సభలో మాట్లాడవచ్చని అన్నారు.

Congress Vice President Rahul Gandhi threatens to burst his bubble of Prime Minster Modi on demonetization if allows to speak in Lok Sabha. Speaking to media persons on Wednesday, he said he had personal information on the PM that will busts his bubble.