మ‌హిళా దినోత్స‌వం సంద‌ర్భంగా మోదీ ట్వీట్లు

అంతర్జాతీయ మహిళా దినోత్సవం సందర్భంగా ఈ రోజు ఉదయం మోదీ వరుస ట్వీట్లు చేశారు. ''మానవ చరిత్రలో ఎంతో మంది మహిళలు ఎన్నో త్యాగాలు చేసినప్పటికీ, చెరిగిపోనిముద్ర వేసినప్పటికీ వారికి సముచిత స్థానం దక్కలేదు. వారి శ్రేష్టమైన పనులు ద్వారా, అనేకమంది మహిళలు మానవజాతి చరిత్రలో ఒక చెరగని మార్గాన్ని ఏర్పాటు చేశారు. ఎన్నో తరాలకి స్ఫూర్తిని కొనసాగిస్తున్నారు. మీరు స్ఫూర్తినిచ్చే కొందరు మహిళలను గురించి వ్రాయమని నేను మిమ్మల్ని కోరుతున్నాను.'' అని మోదీ ప్రజలను కోరారు. చత్తీస్ ఘడ్ రాష్ట్ర పర్యటనలో ఒకసారి కున్వార్ బాయ్ ఆశీర్వాదం తీసుకున్న సంగతిని మోదీ గుర్తుచేసుకున్నారు. ఆమె 106 ఏళ్ల వయసులో మరణించారు. చత్తీస్ఘడ్ వనిత అయిన కున్వార్ టాయిలెట్లను నిర్మించడానికి తన మేకలను అమ్మారు. స్వచ్చభారత్ దిశగా ఆమె కృషి ఎనలేనిదన్నారు. బాపూజీ కల అయిన స్వచ్చ భారతాన్ని సాకారం చేసే దిశగా కృషి చేస్తున్న అందరి హృదయాల్లో ఆమె నివసిస్తూ ఉన్నారని మోదీ ట్వీట్లో పేర్కొన్నారు.
మోదీ చేసిన ట్వీట్లు మీ కోసం...