చెన్నైలోని ఫెడ్ బ్యాంకు దోపిడీ కేసులో (Chennai Fedbank Robbery) ఊహించని ట్విస్ట్ చోటుచేసుకుంది. దొంగలతో పోలీస్ చేతులు కలిపి తన వాటాను తీసుకోవడం గమనార్హం. ఈ దోపిడీలో ఓ పోలీస్ అధికారి హస్తం కూడా ఉందని తెలియడంతో ఖాకీలే విస్తుపోయారు. అరుంబాక్కం ఫెడ్ బ్యాంకులో (Fedbank gold heist) గతవారం భారీ దోపిడీ జరిగిన విషయం తెలిసిందే. మొత్తం 30 కిలోలకుపైగా బంగారాన్ని దొంగలు ఎత్తుకెళ్లారు. తాజాగా, చోరీకి గురైన బంగారంలోని 3.5 కిలోలు అచరపక్కం ఇన్‌స్పెక్టర్ అమల్రాజ్ (SI Amalraj) ఇంట్లో లభ్యమయ్యింది. దీంతో ఈ బంగారాన్ని స్వాధీనం చేసుకున్న పోలీసులు.. అమల్‌రాజ్‌ను అదుపులోకి తీసుకున్నారు. దోపిడీకి పాల్పడిన దొంగలతో అమల్రాజ్ కాంటాక్ట్‌లో ఉన్నట్లు కూడా విచారణలో తేలింది.
దోపిడీ జరిగిన వెంటనే సూర్య అనే వ్యక్తి 14 కిలోల బంగారు నగలతో కోయంబత్తూరు వెళ్లి, అక్కడి ఆర్‌ఎస్‌పురంలోని ఓ నగల దుకాణంలో కరిగించినట్టు పోలీసుల దర్యాప్తులో తేలింది. దీంతో తక్షణమే స్పందించిన పోలీసులు.. ఆ నగల దుకాణం యజమానిని అరెస్టు చేసి, సూర్య నుంచి 14 కిలోల బంగారాన్ని స్వాధీనం చేసుకున్నారు. ఎస్ఐ ఇంటిలో లభ్యమైన సొత్తుతో దోపిడీకి గురైన మొత్తం నగలు స్వాధీనమైనట్లు గ్రేటర్‌ చెన్నై పోలీసు కమిషనర్‌ శంకర్‌జివాల్‌ (Chennai Police Commissioner) ప్రకటించారు.
దోపిడీ కేసును సమర్థవంతంగా విచారణ జరిపి 48 గంటల్లోనే ప్రధాన నిందితులందరినీ అరెస్టు చేసిన ప్రత్యేక దళాన్ని ఆయన అభినందించారు. ఒకటి రెండు రోజుల్లోగా మరో ఇద్దరిని కూడా అరెస్టు చేస్తామని ఆయన ఆశాభావం వ్యక్తం చేశారు. బ్యాంక్ దోపిడీలో ప్రధాన సూత్రధారి మురుగన్ మంగళవారం అరెస్ట్ కాగా.. అతడిని రహస్యంగా విచారిస్తున్నారు. ఈ దోపిడీలో ఏడుగురు కాకుండా ఇంకా ఎవరికైనా సంబంధాలున్నాయేమోనని ఆరా తీస్తున్నారు. నిందితుడు సంతోష్, బాలాజీలకు ఎగ్మోర్ ఐదో మెట్రోపాలిటన్ మేజిస్ట్రేట్ కోర్టు ఐదు రోజుల పోలీస్ కస్టడీకి అనుమతించింది.
దోపిడీ జరిగిన వెంటనే సూర్య అనే వ్యక్తి 14 కిలోల బంగారు నగలతో కోయంబత్తూరు వెళ్లి, అక్కడి ఆర్‌ఎస్‌పురంలోని ఓ నగల దుకాణంలో కరిగించినట్టు పోలీసుల దర్యాప్తులో తేలింది. దీంతో తక్షణమే స్పందించిన పోలీసులు.. ఆ నగల దుకాణం యజమానిని అరెస్టు చేసి, సూర్య నుంచి 14 కిలోల బంగారాన్ని స్వాధీనం చేసుకున్నారు. ఎస్ఐ ఇంటిలో లభ్యమైన సొత్తుతో దోపిడీకి గురైన మొత్తం నగలు స్వాధీనమైనట్లు గ్రేటర్‌ చెన్నై పోలీసు కమిషనర్‌ శంకర్‌జివాల్‌ (Chennai Police Commissioner) ప్రకటించారు.
దోపిడీ కేసును సమర్థవంతంగా విచారణ జరిపి 48 గంటల్లోనే ప్రధాన నిందితులందరినీ అరెస్టు చేసిన ప్రత్యేక దళాన్ని ఆయన అభినందించారు. ఒకటి రెండు రోజుల్లోగా మరో ఇద్దరిని కూడా అరెస్టు చేస్తామని ఆయన ఆశాభావం వ్యక్తం చేశారు. బ్యాంక్ దోపిడీలో ప్రధాన సూత్రధారి మురుగన్ మంగళవారం అరెస్ట్ కాగా.. అతడిని రహస్యంగా విచారిస్తున్నారు. ఈ దోపిడీలో ఏడుగురు కాకుండా ఇంకా ఎవరికైనా సంబంధాలున్నాయేమోనని ఆరా తీస్తున్నారు. నిందితుడు సంతోష్, బాలాజీలకు ఎగ్మోర్ ఐదో మెట్రోపాలిటన్ మేజిస్ట్రేట్ కోర్టు ఐదు రోజుల పోలీస్ కస్టడీకి అనుమతించింది.