MP CM: స్టేజ్‌పైనే ప్రభుత్వ అధికారిని సస్పెండ్ చేసిన సీఎం... చేసిన తప్పేంటంటే...

MP CM: మధ్యప్రదేశ్‌లో ఓ ఆసక్తికరమైన ఘటన చోటుచేసుకుంది. బహిరంగ సభలో స్వయంగా ముఖ్యమంత్రే ఓ ప్రభుత్వ అధికారిని సస్పెండ్ చేశారు. ప్రధానమంత్రి ఉజ్వల్ పథకం కింద అర్హులకు లబ్దిదారు నెంబర్లు కేటాయించడంలో జిల్లా అధికారి విఫలమయ్యారు. శనివారం రాష్ట్రంలోని దిండోరి జిల్లాలో నిర్వహించిన సమావేశంలో సదరు అధికారిని ఈ విషయంపై స్టేజిపైకి పిలిచి.. వివరణ అడిగారు. ఆ అధికారి సరైన జవాబు చెప్పలేదు. దాంతో అతనిని సస్పెండ్ చేస్తున్నట్టు స్టేజ్‌పై ప్రకటించారు. ప్రధాన మంత్రి ఉజ్వల పథకం కింద దారిద్ర్య రేఖ దిగువన ఉన్న పేద మహిళలకు ప్రభుత్వ ఎల్పీజీ సిలిండర్లను అందజేస్తుంది. అయితే దీనికోసం ప్రభుత్వం పెట్టిన నియమ నిబంధనలను అనుసరించి లబ్దిదారులను ఎంపిక చేయాలి. ఇందులో భాగంగా రాష్ట్రంలో కొంతమందికి ఈ పథకం కింద గుర్తించి లబ్ధి చేకూర్చాలని ప్రభుత్వం లక్ష్యంగా పెట్టుకుంది. ఈ మేరకు దిండోరిలో జరిగిన ఓ బహిరంగ సభలో ఈ పథకం గురించి జిల్లా సప్లై అధికారిని పిలిచి... లబ్దిదారుల గుర్తింపుపై సీఎం శివరాజ్ సింగ్ చౌహాన్ ప్రశ్నించారు. అయితే ఆ అధికారి సరైన సమాధానం చెప్పలేకపోయారు. ప్రభుత్వం నిర్ణయించిన లక్ష్యాన్ని చేరుకోలేకపోయినట్టు చెప్పారు.


దాంతో రాష్ట్ర ముఖ్యమంత్రి శివరాజ్ చౌహాన్‌కు పట్టరాని కోపం వచ్చింది. అంతే సభా వేదికపైనే ఆ అధికారిని సస్పెండ్ చేస్తున్నట్టు వెల్లడించారు. సస్పెండ్ అయిన ఆ అధికారి పేరు తికారాం అహిర్వార్. దిండోరి జిల్లా డీఎస్‌వోగా బాధ్యతలు నిర్వహిస్తున్నారు. దీనికి సంబంధించిన వీడియో సోషల్ మీడియాలో వైరల్ అవుతోంది. ఆ వీడియోలో "మీరు ఎందుకు చేయలేకపోయారు?" అని చౌహాన్‌ ప్రశ్నించారు. ఆ ప్రశ్నకు అహిర్వార్.. సీఎం చౌహాన్‌కు వివరణ ఇవ్వడాన్ని చూడొచ్చు. దాంతో సీఎం "వెళ్లు, నిన్ను సస్పెండ్ చేశాతరు" అని చెప్పారు. ఇలాంటి సహించేది లేదని తెలిపారు. సంబంధిత వీడియో సోషల్ మీడియాలో వైరల్ అవుతుంది.

Read Also:అసెంబ్లీలో... పాన్ మసాలా తింటూ.. మొబైల్ గేమ్ ఆడుతున్న ఎమ్మెల్యేలు..!

అయితే సీఎం చౌహాన్ ఇలా చేయడం ఇదేం మొదటిసారి కాదు.. ఇంతకుముందు కూడా ఇలాగే ఓ పోలీసు అధికారిని ఇంటికి పంపించారు. సెప్టెంబరు 19న శివరాజ్ సింగ్ చౌహాన్ రాష్ట్రంలోని ఒక సీనియర్ పోలీసు అధికారిని సస్పెండ్ చేయాలని ఆదేశించారు. దానికి సంబంధించిన ఆడియో క్లిప్ సోషల్ మీడియాలో ట్రెండ్ అయింది. ఆ పోలీసు అధికారి పాలిటెక్నిక్ విద్యార్థులను దుర్భాషలాడారని సీఎంకు తెలియడంతో ఝబువా పోలీసు సూపరింటెండెంట్ అరవింద్ తివారీని బదిలీ చేయాలని చౌహాన్ సూచించారు. తివానీ భోపాల్‌లోని పోలీస్ హెడ్ క్వార్టర్స్‌లో అసిస్టెంట్ ఇన్‌స్పెక్టర్ జనరల్‌గా బదిలీ చేశారు. ఈ విషయం కూడా అప్పట్లో సంచలనం అయింది.

Read More National News And Telugu News