Rs 2000 ఒరిజినల్ నోట్లపై గాంధీ బొమ్మ లేదు

రూ.2వేల నోట్లపై గాంధీ బొమ్మ కనిపించడం లేదు. మధ్యప్రదేశ్ లోని షూపూర్ లోని స్టేట్ బ్యాంక్ ఆఫ్ ఇండియాలో రైతులు విత్ డ్రా చేసుకున్న నగదులో ఉన్న రూ.2వేల నోట్లపై గాంధీ బొమ్మ లేకపోవడం వారిని ఆందోళనకు గురి చేసింది. అయితే అవి దొంగనోట్లేమోననుకొని రైతులు బ్యాంకు అధికారులకు వాటిని తిరిగి ఇచ్చి వేశారు.

కానీ, ఆ నోట్లు దొంగనోట్లు కావని, అవి ఒరిజినల్ అని...ప్రింటింగ్ లో దొర్లిన పొరపాటు వల్ల కొత్తగా విడుదలైన రూ.2000వేల నోట్లపై గాంధీ బొమ్మ అచ్చవలేదని అధికారులు తెలిపారు. ఈ ప్రాంతంలో చాలా మంది ప్రజలు ఇలాంటినోట్లు విత్ డ్రా చేసుకున్నట్లు అధికారులు గుర్తు చేశారు.

1996 నుంచి ఆర్బీఐ కరెన్సీ నోట్లపై మహాత్మాగాంధీ బొమ్మలను ముద్రిస్తోంది.

మధ్యప్రదేశ్ లోని బ్యాంకు నోట్ ప్రెస్ దివాస్ లో రూ.2000వేల నోట్ల ప్రింటింగ్ లో కొన్ని పొరపాట్లు దొర్లాయని అందువల్ల గాంధీ బొమ్మ మిస్ అయ్యిందని అధికారులు అభిప్రాయపడుతున్నారు.