​ఎట్టకేలకూ ఆయన రాజీనామా, బీజేపీలోకే..?

ఎట్టకేలకూ తృణమూల్ కాంగ్రెస్ పార్టీకి రాజీనామా చేస్తున్నట్టుగా ప్రకటించాడు సీనియర్ నేత ముకుల్ రాయ్. ఈయన టీఎంసీని వీడబోతున్నట్టుగా చాన్నాళ్లుగా ప్రచారం జరుగుతోంది. అయితే ఇన్నాళ్లూ ఈ వ్యవహారంపై గుంభనంగా ఉండిన రాయ్.. తాజాగా రాజీనామా అంశాన్ని ప్రకటించాడు. ఎందుకు రాజీనామా.. అనే అంశంపై స్పందించడానికి ఆయన నిరాకరించారు. దుర్గాపూజ కార్యక్రమం పూర్తి అయిన తర్వాత తను అన్ని విషయాలనూ కూలంకషంగా చెబుతానని అన్నాడు. ఐదు రోజుల తర్వాత స్పందిస్తా అని ఆయన ప్రకటించారు.

టీఎంసీలో అత్యంత క్రియాశీల నేతల్లో ముకుల్ రాయ్ ముఖ్యులు. ఇంకా చెప్పాలంటే.. ఆ పార్టీలో నంబర్ టూగా వెలుగొందారు. పార్టీ బలోపేతంలో ముకుల్ రాయ్ పాత్ర అత్యంత కీలకమైనది. యూపీఏ హాయాంలో రాయ్ రైల్వే శాఖ మంత్రిగా కూడా పని చేశారు. అయితే వివిధ పరిణామాల నేపథ్యంలో రాయ్ టీఎంసీలో అసంతఈప్తుడిగా తయారయ్యాడు. ఇదే సమయంలో భారతీయ జనతా పార్టీ వాళ్లు కూడా రాయ్ కు గాలం వేస్తున్నట్టుగా వార్తలు వచ్చాయి.

వరసగా బీజేపీ ముఖ్యనేతలతో సమావేశం అవుతూ వస్తున్నారీయన. ఇటీవలే రాష్ట్ర రామ్ నాథ్ కోవింద్ తో సమావేశం తర్వాత రాయ్ బీజేపీలో చేరిక దాదాపు ఖరారు అయ్యింది. బెంగాల్ లో బలోపేతం కావాలన్న ఆకాంక్ష మేరకు రాయ్ ని కమలం పార్టీ చేర్చుకుంటోంది. రాయ్ పై గతంలో అనేక ఆరోపణలు ఉన్నాయి. శారదా స్కామ్ లో కూడా ఈయన పేరు వినిపించింది.