రన్‌వేపై జారిన జెట్ ఎయిర్‌వేస్ విమానం

గోవాలో జెట్ ఎయిర్‌వేస్ విమానానికి పెను ప్రమాదం తప్పింది. 154 మంది ప్రయాణికులు, ఏడుగురు సిబ్బందితో గోవాలోని డబోలిమ్ ఎయిర్‌పోర్టు నుంచి బయలుదేరిన విమానం ప్రమాదవశాత్తు రన్‌వేపై జారిపడింది. మంగళవారం ఉదయం గోవా నుంచి ముంబై వెళ్తున్న జెట్ ఎయిర్‌వేస్ విమానం టేకాఫ్ అవుతున్న సమయంలో ఈ ప్రమాదం చోటుచేసుకుంది. ఈ ఘటనలో 15 మంది ప్రయాణికులు స్వల్పంగా గాయపడ్డారు.

గోవా నుంచి ముంబై వెళ్తున్న 9డబ్ల్యూ 2374 విమానం డబోలిమ్ ఎయిర్‌పోర్టులో టేకాఫ్ అవుతూ టెక్నికల్ సమస్య కారణంగా రన్‌వే నుంచి పక్కకు జారిపోయిందని జెట్ ఎయిర్‌వేస్ ప్రకటించింది. ప్రయాణికులంతా క్షేమంగా ఉన్నారని, విమానాశ్రయాన్ని మధ్యాహ్నం 12.30 గంటల వరకు మూసివేస్తున్నామని ఎయిర్‌పోర్టు అధికారులు ప్రకటించారు.
Visuals of passengers,who sustained minor injuries,being taken fr treatment aftr Jet Airways flight 9W2374 skidded off runway at Goa airport pic.twitter.com/bMHZbhPL5M — ANI (@ANI_news) December 27, 2016