ఆ ఉద్యమ సమయంలో అత్యాచారాలు నిజం

2016 ఫిబ్రవరిలో ప్రత్యేక కోటా కోసం జాట్లు చేసిన ఆందోళనలో మహిళలపై సామూహిక అత్యాచారాలు జరిగినట్లు పంజాబ్-హర్యానా హైకోర్టు స్పష్టం చేసింది.
ముర్తల్ అనే ప్రాంతంలో జాట్లు ఆందోళన చేస్తున్న సమయంలో అటుగా వెళ్తున్న మహిళలపై ఆందోళనకారులు సామూహిక అత్యాచారాలకు పాల్పడ్డడారని అప్పట్లో మీడియా కథనాలు ప్రచురింది. ఈ సంఘటనను హైకోర్టు సుమోటోగా స్వీకరించగా..హర్యానా పోలీసులు ఎఫ్ఆర్ఆర్ నమోదు చేశారు.
ఈ కేసులో పలువురిని అరెస్టు చేసి విచారించారు. అయితే అత్యాచారం జరిగిందన్న ప్రాంతంలో లభించిన మహిళల లోదుస్తులు, రక్తపు మరకలు...పోలీసులు అరెస్టు చేసిన వారి వీర్య నమునాలతో సరిపోలలేవని వారిని విడుదల చేశారు.
అయితే ఆ కేసులో సాక్షులుగా ఉన్న వారిలో ఒక క్యాబ్ డ్రైవర్..మహిళలను ఆందోళనకారులు లాక్కెళ్లుతుండగా చూశానని హైకోర్టుకు తెలిపారు.

ఈ కేసుపై గురువారం హైకోర్టు బహిరంగ విచారణ జరిపింది.
దీనిపై విచారణ జరిపేందుకు ప్రభుత్వం ప్రత్యేక దర్యాప్తు బృందం (సిట్)కూడా ఏర్పాటయ్యింది.

‘‘జాట్ల ఆందోళన సందర్భంగా సామూహిక అత్యాచారాలు జరిగింది నిజం...అత్యాచార బాధితులు, అత్యాచార బాధ్యులను గుర్తించి అరెస్టు చేయండి’’ అని హైకోర్టు పోలీసులకు ఆదేశించింది. అటు ఈ కేసును విచారించి నిజానిజాలు తేల్చేందుకు తోడ్పాటును అందించాలని సీబీఐని కోరింది. అటు ‘సిట్’ నిందితులపై గుర్తించేందుకు విచారణ సాగుతోందని చెప్పింది.

తదుపరి విచారణ ఫిబ్రవరి 28కి వాయిదా పడింది.