నన్ను లేపేస్తారేమో: విహెచ్‌పి నేత తొగాడియా

విశ్వహిందూ పరిషత్ అంతర్జాతీయ కార్యనిర్వాహక అధ్యక్షుడు ప్రవీణ్ భాయ్ తొగాడియా తృటిలో ప్రాణపాయం నుంచి తప్పించుకున్నారు. ఈరోజు ఉదయం సూరత్‌లో జరిగిన రోడ్డు ప్రమాదం నుంచి తృటిలో బయటపడ్డారు. తొడాగియా వాహనాన్ని ఓ ట్రక్ వెనకనుండి బలంగా ఢీ కొట్టింది. ఈ ఘటన తర్వాత తొగాడియా మీడియాతో మాట్లాడుతూ... ఒకవేళ తాను ప్రయాణిస్తున్న వాహనం బుల్లెట్ ప్రూఫ్ కాకపోయినట్లయితే తనతో పాటు వాహనంలో ఉన్న సెక్యూరిటీ సిబ్బందితో సహా ఎవ్వరు ప్రాణాలతో బతికే వాళ్లం కాదని అన్నారు.

తన హత్యకు కుట్ర జరగుతుందేమోనని తొగాడియా అనుమానం వ్యక్తం చేశారు. తన జడ్ ప్లస్ సెక్యూరిటీని ప్రభుత్వం పూర్తి స్థాయిలో ఎందుకు అమలు చేయడం లేదని ప్రశ్నించారు. జడ్ ప్లస్ సెక్యూరిటి ఉన్న తకు కేవలం ఒక్క బుల్లెట్ ప్రూఫ్ వాహనాన్ని మాత్రమే కేటాయించారని అన్నారు. ఎస్కాట్ వాహనంతో పాటు ఆంబులెన్స్ ఎందుకు కేటాయించలేదని ప్రశ్నించారు. తనను ఎన్‌కౌంటర్ చేసేందుకు రాజస్థాన్ పోలీసులు ప్రయత్నిస్తున్నారంటూ ఇటీవలే ఆసుపత్రిలో చేరి హడావిడి చేసిన విషయం తెలిసిందే.