ఓ 76 ఏళ్ల వ్యక్తి.. టీ తాగడం కోసం హోటల్‌కు వెళ్లాడు. అతడు కుర్చిలో కూర్చుని ఉండగా.. జేబులోని మొబైల్ ఫోన్ ఒక్కసారిగా పేలిపోయింది. దీంతో జేబులోని నుంచి దానిని తీసి కిందపడేయగా.. అప్పటికే చొక్కాకు మంటలు అంటుకున్నాయి. అప్రమత్తమైన బాధితుడు.. చేతులతో మంటలను ఆర్పేయడంతో పెను ప్రమాదం నుంచి త్రుటిలో తప్పించుకున్నాడు. ఈ షాకింగ్ ఘటన కేరళలోని త్రిసూర్‌ జిల్లాలో గురువారం చోటుచేసుకోగా.. దీనికి సంబంధించిన దృశ్యాలు హోటల్‌లో ఉన్న సీసీటీవీ కెమెరాల్లో రికార్డయ్యాయి.
గత నెల రోజుల్లో కేరళలో జరిగిన మూడో ఘటన ఇది. గతవారం ఓ యువకుడి ఫ్యాంటు జేబులో ఉన్న మొబైల్ పేలిపోయి మంటలు అంటుకోవడంతో అతడికి గాయాలయ్యాయి. అలాగే, ఏప్రిల్ 24న త్రిసూర్‌కు చెందిన ఎనిమిదేళ్ల చిన్నారి.. మొబైల్ ఫోన్‌లో వీడియోలు చూస్తుండగా పేలి ప్రాణాలు కోల్పోయిన విషయం తెలిసిందే. ఏప్రిల్ 24న ఎనిమిదేళ్ల బాలిక ఆదిత్య శ్రీ, ఆమె నాయినమ్మ ఇద్దరే ఇంటిలో ఉండగా.. రాత్రి 10.30 గంటల ప్రాంతంలో వీడియో చూస్తుండగా పేలుడు సంభవించింది. తీవ్రంగా గాయపడిన చిన్నారి అక్కడికక్కడే మృతిచెందింది. తలకు తీవ్ర గాయం కావడంతోనే పాప చనిపోయినట్టు పోస్ట్‌మార్టం నివేదిక వెల్లడించింది.
Read More Latest National News And Telugu News
గత నెల రోజుల్లో కేరళలో జరిగిన మూడో ఘటన ఇది. గతవారం ఓ యువకుడి ఫ్యాంటు జేబులో ఉన్న మొబైల్ పేలిపోయి మంటలు అంటుకోవడంతో అతడికి గాయాలయ్యాయి. అలాగే, ఏప్రిల్ 24న త్రిసూర్‌కు చెందిన ఎనిమిదేళ్ల చిన్నారి.. మొబైల్ ఫోన్‌లో వీడియోలు చూస్తుండగా పేలి ప్రాణాలు కోల్పోయిన విషయం తెలిసిందే. ఏప్రిల్ 24న ఎనిమిదేళ్ల బాలిక ఆదిత్య శ్రీ, ఆమె నాయినమ్మ ఇద్దరే ఇంటిలో ఉండగా.. రాత్రి 10.30 గంటల ప్రాంతంలో వీడియో చూస్తుండగా పేలుడు సంభవించింది. తీవ్రంగా గాయపడిన చిన్నారి అక్కడికక్కడే మృతిచెందింది. తలకు తీవ్ర గాయం కావడంతోనే పాప చనిపోయినట్టు పోస్ట్‌మార్టం నివేదిక వెల్లడించింది.
Read More Latest National News And Telugu News