ఫ్లైట్‌లో ‘జనగణ మన’ కూర్చున్న ప్రయాణికులు

జనగణ మన జాతీయ పాడే సమయంలోకానీ, రికార్డెడ్ గీతం ప్లే అయ్యే సమయంలో అందరూ లేచి నిలబడాలి. ఇది జాతీయ గీతానికి మనం ఇచ్చే గౌరం. అయితే ఇటీవల స్పైజెట్ విమానంలో జాతీయ గీతం ప్లే అవుతున్న సమయంలో ఎవరూ లేచి నిలబడలేదు. విమానంలో ఉన్నందువల్ల వాళ్లకి లేచి నిలబడే అవకాశం కూడా లేకపోయింది.. అయితే ల్యాండ్ విమానంలో జాతీయ గీతం ఎందుకు ప్లే చేశారు? అనేది ఓ చర్చనీయాంశమైంది.

వివరాల్లోకి వెళ్తే... ఏప్రిల్ 18న తిరుపతి నుంచి హైదరాబాద్ వెళ్లే స్పైస్ జెట్ ఎస్‌జీ1044 విమానంలో ఈ సంఘటన చోటు చేసుకుంది. విమానం ల్యాండ్ అయ్యే సమయంలో ‘జనగణ మన’ జాతీయ గీతం ప్లే అయ్యింది. దీంతో దిగాల్సిన ప్రయాణీకులు తమ కుర్చీల్లో నుంచి లేవకుండా అలాగే కూర్చిండిపోయారు.

ఇదందా ఇండోర్ కు చెందిన పునీత్ తివారీ అనే వ్యక్తి తన సెల్ ఫోన్లో రికార్డ్ చేశారు.
‘మేం విమానం దిగే సమయంలో జాతీయ గీతం ప్లే కావడం మమ్మల్ని ఆశ్చర్యానికి గురిచేసింది. సీటు బెల్టు పెట్టుకొని సీట్లో కూర్చోవాలని పైలట్ మమ్మల్ని కూర్చోవాలని మాకు ఆర్డరేశారు’ అని తివారీ చెప్పారు.

జాతీయ గీతం ప్లే అయిన కాసేపటికే విమాన సిబ్బంది స్విచ్ఛాప్ చేశారు. మరి కాసేపటికే మళ్లీ ఆన్ చేశారు.

జాతీయ గీతాన్ని అవమానపరిచారని తివారీ స్పైస్ జెట్ ఎయిర్ లైన్స్ కు ఫిర్యాదు చేశారు.

అయితే విమానంలో ఉన్న మ్యూజిక్ ప్లేయర్ లో ఇతర పాటలతో జాతీయ గీతం అప్ లోడ్ అయి ప్లే లిస్టులో ఉందని.. అనుకోకుండా తమ సిబ్బంది జనగణ మన’ గీతాన్ని ప్లే చేశారని.. అది ప్లే అయిన కాసేపటికే గుర్తించి ఆపేశారని.. మధ్యలో ఆపడం సరికాదని మళ్లీ ప్లే చేశారని స్పైట్ జెట్ ప్రతినిధి ఒకరు చెప్పారు. తమ సిబ్బంది చేసింది తప్పేనని, ప్రయాణీకులకు అసౌకర్యానికి చింతిస్తున్నామని ఆయన తెలిపారు.