సోనియా, రాహుల్ గాంధీలకు చుక్కెదురు

నేషనల్ హెరాల్డ్ కేసులో కాంగ్రెస్ అధ్యక్షురాలు సోనియాగాంధీ ఆమె తనయుడు, కాంగ్రెస్ ఉపాధ్యక్షుడు రాహుల్ గాంధీలకు ఎదురుదెబ్బ తగిలింది. నేషనల్ హెరాల్డ్ పత్రిక నిధుల దుర్వినియోగం కేసులో సోనియా, రాహుల్ లను విచారించాలని ఢిల్లీ హైకోర్టు ఆదాయపన్ను శాఖను ఆదేశించింది. ఇదే కేసులో కాంగ్రెస్ సీనియర్ నేతలు మోతీలాల్ వోరా, ఆస్కార్ ఫెర్నాండెజ్, సుమన్ దుబే, శ్యామ్ పిట్రోడలు కూడా నిందితులుగా ఉన్నారు.

నేషనల్ హెరాల్డ్ పత్రిక (2008లో మూతపడింది) ప్రచురణ సంస్థ అయిన అసోసియేటెడ్ జర్నల్స్ లిమిటెడ్(ఏజేఎల్)కు కాంగ్రెస్ పార్టీ 2010లో రూ.90 కోట్ల రుణం ఇచ్చింది. ఆ రుణాన్ని వసూలు చేసే హక్కును రూ.50 లక్షలకే యంగ్ ఇండియా లిమిటెడ్(వైఐఎల్)కు కట్టబెట్టింది.

నేషనల్ హెరాల్డ్ విషయంలో రూ.2వేల కోట్ల దుర్వినియోగానికి కాంగ్రెస్ పాల్పడిందని ఆరోపిస్తూ బీజేపీ నేత సుబ్రమణ్యం స్వామి కేసు దాఖలు చేశారు.