Maharashtra Politics: మహారాష్ట్ర తర్వాతి ముఖ్యమంత్రి ఎన్సీపీ నేతే: జయంత్ పాటిల్

Maharashtra Politics: గత ఏడాది తిరుగుబాటు చేసి.. షిండే వర్గంలో చేరిన శివసేనకు చెందిన 16 మంది ఎమ్మెల్యేల అర్హతకు సంబంధించి.. సుప్రీంకోర్టు రాజ్యాంగ ధర్మాసనం ఇంకా నిర్ణయం వెల్లడించలేదు. కానీ.. ఆ నిర్ణయం తమకు అనుకూలంగా ఉంటుందని అన్ని పార్టీలు భావిస్తున్నాయి. ఆ ఎమ్మెల్యేల్లో ముఖ్యమంత్రి ఏక్‌నాథ్ షిండే పేరు కూడా ఉంది. అయితే.. అత్యున్నత న్యాయస్థానం తీర్పు పెండింగ్‌లో ఉన్న నేపథ్యంలో.. మహారాష్ట్ర ప్రభుత్వ పతనంపై జోరుగా చర్చలు జరుగుతున్నాయి. సంజయ్ రౌత్ వంటి చాలా మంది నాయకులు.. షిండే, బీజేపీతో ప్రభుత్వం ఎక్కువ కాలం కొనసాగదని జోస్యం చెప్పారు. ఈ ఊహాగానాల నడుమ అజిత్ పవార్ ముఖ్యమంత్రి కావాలనే కోరికను బయటపెట్టారు. ఈ నేపథ్యంలో.. జయంత్ పాటిల్ (Jayant Patil) చేసిన ప్రకటనకు రాజకీయంగా ప్రాధాన్యత ఏర్పడుతోంది. సుప్రీంకోర్టు తీర్పుతో మహారాష్ట్ర ప్రభుత్వానికి ఎదురుదెబ్బ తగిలితే.. ఎన్సీపీ మద్దతు ఇచ్చి కాపాడుతుందా.. అనే ప్రశ్న తలెత్తుతోంది. ఎన్సీపీ మద్దతు ఇస్తే ముఖ్యమంత్రి పదవిని డిమాండ్ చేసే అవకాశం ఉంటుంది. అయితే.. సుప్రీంకోర్టు తీర్పు తర్వాత ఈ ఊహాగానాలకు తెరపడనుంది.