చనిపోయిందని వైద్యులు నిర్ధారించిన నవజాత శిశువు.. శ్మశానంలో పూడ్చిపెట్టడానికి ముందు కదలడంతో కుటుంబసభ్యులు ఆస్పత్రికి తీసుకెళ్లిన అరుదైన ఘటన ఒడిశాలోని కెందుఝర్ జిల్లాలో చోటుచేసుకుంది. జిల్లాలోని ఖందికపడ గ్రామానికి సునియా ముండా భార్య రాయ్మణి గర్భవతి కాగా.. బుధవారం పురిటినొప్పులు మొదలయ్యాయి. దీంతో ఆమెను మయూర్భంజ్‌లోని కరంజియా ఆస్పత్రికి తీసుకెళ్లారు. అక్కడ ఓ బిడ్డకు జన్మనిచ్చింది. కానీ, శిశువు చనిపోయినట్లు వైద్యులు నిర్ధరించారు.
గ్రామస్థులు, బంధువులు పెద్ద సంఖ్యలో ఆస్పత్రికి చేరుకుని ఆందోళన చేపట్టారు. వైద్యుల నిర్లక్ష్యంగా బతికున్న శిశువును చనిపోయినట్లు నిర్ధరించారని ఆగ్రహం వ్యక్తం చేస్తూ.. బాధ్యులపై చర్యలు తీసుకోవాలని డిమాండ్ చేశారు.
శిశువు బంధువు ఒకరు మాట్లాడుతూ..‘ఆస్పత్రి సిబ్బంది లాంఛనాలు పూర్తిచేసి శిశువును ఓ బ్యాగులో ప్యాక్ చేశారు.. మేము ఆ శిశువు ప్రాణంతో ఉందా? అని చూడకుండానే శ్మశనానికి తీసుకెళ్లాం.. ప్రార్థనల అనంతరం పూడ్చిపెట్టడానికి శిశువును బయటకు తీస్తుండగా కదిలింది.. ఊపిరి ఆడటంతో మళ్లీ ఆస్పత్రికి తీసుకొచ్చాం’ అని చెప్పారు. ఈ ఘటనపై ఆస్పత్రి యాజమాన్యం తీవ్రంగా స్పందించింది. విచారణకు ఆదేశించింది. అయితే, చిన్నారి చికిత్స పొందుతూ చనిపోయినట్టు తెలుస్తోంది.
గ్రామస్థులు, బంధువులు పెద్ద సంఖ్యలో ఆస్పత్రికి చేరుకుని ఆందోళన చేపట్టారు. వైద్యుల నిర్లక్ష్యంగా బతికున్న శిశువును చనిపోయినట్లు నిర్ధరించారని ఆగ్రహం వ్యక్తం చేస్తూ.. బాధ్యులపై చర్యలు తీసుకోవాలని డిమాండ్ చేశారు.
శిశువు బంధువు ఒకరు మాట్లాడుతూ..‘ఆస్పత్రి సిబ్బంది లాంఛనాలు పూర్తిచేసి శిశువును ఓ బ్యాగులో ప్యాక్ చేశారు.. మేము ఆ శిశువు ప్రాణంతో ఉందా? అని చూడకుండానే శ్మశనానికి తీసుకెళ్లాం.. ప్రార్థనల అనంతరం పూడ్చిపెట్టడానికి శిశువును బయటకు తీస్తుండగా కదిలింది.. ఊపిరి ఆడటంతో మళ్లీ ఆస్పత్రికి తీసుకొచ్చాం’ అని చెప్పారు. ఈ ఘటనపై ఆస్పత్రి యాజమాన్యం తీవ్రంగా స్పందించింది. విచారణకు ఆదేశించింది. అయితే, చిన్నారి చికిత్స పొందుతూ చనిపోయినట్టు తెలుస్తోంది.