అసోంలో వరద బీభత్సానికి ఎంతోమంది తమ గూడును, నీడను కోల్పోయారు. జలమయమైన గ్రామాల్లో ప్రాణాలను అరచేతిలో పెట్టుకుని ధీనంగా సాయం కోసం ఎదురుచూస్తున్నారు. వెళ్లే దారిలేక.. తినడానికి తిండి లేక అల్లాడుతున్నారు. ఈ జలవిలయానికి కొంతమంది ప్రాణాలు కూడా కోల్పోయారు. ఇప్పటి వరకు అధికారికంగా చనిపోయిన వారి సంఖ్య తొమ్మిదికి చేరుకుంది. అనధికారంగా ఈ సంఖ్య ఇంకా ఎక్కువే ఉండే అవకాశం లేకపోలేదు. వరద ధాటికి రాష్ట్రంలో 27 జిల్లాలో ఆరు లక్షల మందికిపైగా ప్రజలు నిరాశ్రయులయ్యారు. అయితే వారందరికి అధికారులు ప్రభుత్వ భవనాల్లో పునరావాసం కల్పిస్తున్నారు. అలాగే 1,089 గ్రామాలు నీట మునిగాయి.
వంతెనలు, రోడ్లు ధ్వంసం..
జిల్లాలో కట్టలు తెగిపోయాయి. రోడ్లు, వంతెనలు ధ్వంసమయ్యాయి. దాంతో రవాణా వ్యవస్థ నిలిచిపోయింది. చాలా ప్రాంతాల్లో పాఠశాలల భవనాలు దెబ్బతిన్నాయి. కొన్నిచోట్ల కొండ చరియలు విరిగిపడడంతో చాలా ఇళ్లు కూలిపోయాయి. పంట పొలాలు నాశనం అయ్యాయి. ఒక్క నాగోన్ జిల్లాలోనే 2.88 లక్షల మంది ప్రజలు ప్రభావితమయ్యారు. కొండ ప్రాంతమైన డిమా హసావో జిల్లాలో రైలు, రోడ్డు కనెక్టివిటీ తెగిపోయింది. అదే ప్రాంతంలో కొండచరియలు విరిగిపడ్డాయి. కాచర్, కరీంగంజ్, హైలకండి జిల్లాలో రహదారులు కొట్టుకుపోయాయి. దాంతో రాకపోకలకు అవకాశం లేకుండా పోయింది. మరోవైపు ఆర్మీ, పారామిలట్రీ బలగాలు, పోలీసులు రంగంలోకి దిగి వరద బాధితులకు సాయం చేస్తున్నారు. ఇళ్లల్లో చిక్కుకుపోయిన వేలాది మందిని రక్షించారు.
వరద సాయం వెయ్యి కోట్లు మంజూరు...
దీంతో దక్షిణ అసోంకు కనెక్టివిటీని పునరుద్ధరించడానికి ప్రయత్నాలు జరుగుతున్నాయని అసోం ముఖ్యమంత్రి హిమంత బిస్వా శర్మ చెప్పారు. నిరాశ్రయులైన వారికి ఆహారం అందించే ఏర్పాట్లు చేశామని, ఇప్పటికే డిమా హసావోలో ప్రభుత్వం నాలుగు మెట్రిక్ టన్నుల ఆహారాన్ని విమానం ద్వారా అందజేసినట్టు తెలిపారు. వరద సాయం కింద అసోంకు కేంద్రం రూ.1000 కోట్లు మంజూరు చేసిందని, రాష్ట్ర ప్రభుత్వం రూ.150 కోట్లు విడుదల చేసిందని సీఎం వెల్లడించారు. కనెక్టివిటీని పునరుద్ధరించడానికి అన్ని చర్యలు తీసుకుంటున్నామని చెప్పారు. అయితే రైల్వే లింక్‌ను పునరుద్ధరించడానికి 45 రోజులు సమయం పడుతుందన్నారు.
ప్రతి ఏటా జల విలయం..
ప్రకృతి వైపరీత్యమే అయినప్పటికీ మిగతా ప్రాంతాల్లో వరదలకు అసోంలో జల ప్రళయానికి చాలా తేడా ఉంది. ఎక్కువ వరదలకు గురయ్యే రాష్ట్రాల్లో అసోం కూడా ఒకటి. తరచుగా వరదలకు గురయ్యే భూభాగం గుజరాత్, రాజస్థాన్, బీహార్, అసోంలోని ఎక్కువగా ఉంది. ఇక్కడ అనేక సార్లు జల విలయాలు సంభవిస్తున్నాయి. హిమాలయాల్లో కురిసే భారీ వర్షాలకు నీరంతా బ్రహ్మపుత్ర, గంగా నదుల ఉపనదుల్లోకి చేరుతుంది. కానీ నీళ్లు ఎక్కువవడంతో వరద నీరు వెల్లువెత్తుతుంది. అసోంలో ప్రతి ఏటా ఎగువ, దిగువ ప్రాంతాల్లో వరదల సమస్య తలెత్తుతూనే ఉంది.
అయితే నదులకు ఆనకట్టలు కట్టడం వల్లే .. ఇది కొంత వరకు ఉపయోగపడినా అది ఖర్చుతో కూడిన పని. అందుకే ఆ నీటిని ఆయకట్టుకు మళ్లించేలా ప్రయత్నాలు చేయాలని నిపుణులు అంటున్నారు. ఆనకట్టలు నిర్మించడం, నదుల్లో పూడిక తీయడం వంటి పనులతో పాటు వరద నిర్వహణపై అధికారులు దృష్టి సారించాలని నిపుణులు అంటున్నారు. ముప్పు తగ్గించే విధంగా చర్యలు తీసుకోవాలంటున్నారు.
వంతెనలు, రోడ్లు ధ్వంసం..
జిల్లాలో కట్టలు తెగిపోయాయి. రోడ్లు, వంతెనలు ధ్వంసమయ్యాయి. దాంతో రవాణా వ్యవస్థ నిలిచిపోయింది. చాలా ప్రాంతాల్లో పాఠశాలల భవనాలు దెబ్బతిన్నాయి. కొన్నిచోట్ల కొండ చరియలు విరిగిపడడంతో చాలా ఇళ్లు కూలిపోయాయి. పంట పొలాలు నాశనం అయ్యాయి. ఒక్క నాగోన్ జిల్లాలోనే 2.88 లక్షల మంది ప్రజలు ప్రభావితమయ్యారు. కొండ ప్రాంతమైన డిమా హసావో జిల్లాలో రైలు, రోడ్డు కనెక్టివిటీ తెగిపోయింది. అదే ప్రాంతంలో కొండచరియలు విరిగిపడ్డాయి. కాచర్, కరీంగంజ్, హైలకండి జిల్లాలో రహదారులు కొట్టుకుపోయాయి. దాంతో రాకపోకలకు అవకాశం లేకుండా పోయింది. మరోవైపు ఆర్మీ, పారామిలట్రీ బలగాలు, పోలీసులు రంగంలోకి దిగి వరద బాధితులకు సాయం చేస్తున్నారు. ఇళ్లల్లో చిక్కుకుపోయిన వేలాది మందిని రక్షించారు.
వరద సాయం వెయ్యి కోట్లు మంజూరు...
దీంతో దక్షిణ అసోంకు కనెక్టివిటీని పునరుద్ధరించడానికి ప్రయత్నాలు జరుగుతున్నాయని అసోం ముఖ్యమంత్రి హిమంత బిస్వా శర్మ చెప్పారు. నిరాశ్రయులైన వారికి ఆహారం అందించే ఏర్పాట్లు చేశామని, ఇప్పటికే డిమా హసావోలో ప్రభుత్వం నాలుగు మెట్రిక్ టన్నుల ఆహారాన్ని విమానం ద్వారా అందజేసినట్టు తెలిపారు. వరద సాయం కింద అసోంకు కేంద్రం రూ.1000 కోట్లు మంజూరు చేసిందని, రాష్ట్ర ప్రభుత్వం రూ.150 కోట్లు విడుదల చేసిందని సీఎం వెల్లడించారు. కనెక్టివిటీని పునరుద్ధరించడానికి అన్ని చర్యలు తీసుకుంటున్నామని చెప్పారు. అయితే రైల్వే లింక్‌ను పునరుద్ధరించడానికి 45 రోజులు సమయం పడుతుందన్నారు.
ప్రతి ఏటా జల విలయం..
ప్రకృతి వైపరీత్యమే అయినప్పటికీ మిగతా ప్రాంతాల్లో వరదలకు అసోంలో జల ప్రళయానికి చాలా తేడా ఉంది. ఎక్కువ వరదలకు గురయ్యే రాష్ట్రాల్లో అసోం కూడా ఒకటి. తరచుగా వరదలకు గురయ్యే భూభాగం గుజరాత్, రాజస్థాన్, బీహార్, అసోంలోని ఎక్కువగా ఉంది. ఇక్కడ అనేక సార్లు జల విలయాలు సంభవిస్తున్నాయి. హిమాలయాల్లో కురిసే భారీ వర్షాలకు నీరంతా బ్రహ్మపుత్ర, గంగా నదుల ఉపనదుల్లోకి చేరుతుంది. కానీ నీళ్లు ఎక్కువవడంతో వరద నీరు వెల్లువెత్తుతుంది. అసోంలో ప్రతి ఏటా ఎగువ, దిగువ ప్రాంతాల్లో వరదల సమస్య తలెత్తుతూనే ఉంది.
అయితే నదులకు ఆనకట్టలు కట్టడం వల్లే .. ఇది కొంత వరకు ఉపయోగపడినా అది ఖర్చుతో కూడిన పని. అందుకే ఆ నీటిని ఆయకట్టుకు మళ్లించేలా ప్రయత్నాలు చేయాలని నిపుణులు అంటున్నారు. ఆనకట్టలు నిర్మించడం, నదుల్లో పూడిక తీయడం వంటి పనులతో పాటు వరద నిర్వహణపై అధికారులు దృష్టి సారించాలని నిపుణులు అంటున్నారు. ముప్పు తగ్గించే విధంగా చర్యలు తీసుకోవాలంటున్నారు.