ఆ డబ్బుతో బంగారం కొంటే పన్ను లేదు!

వెల్లడించిన డబ్బుతో బంగారు ఆభరణాలు కొనుగోలు చేసిన వారు ఆదాయప పన్ను సవరణ చట్టం కిందికి రారని కేంద్ర ఆర్థిక శాఖ గురువారం స్పష్టం చేసింది. అంటే ఈ డబ్బుతో బంగారు ఆభరణాలు కొనుగోలు చేసిన వారికి పన్ను వర్తించదు. అంతే కాకుండా పూర్వీకుల ఆభరణాలు, బంగారంపై కూడా పన్ను ఉండదని ఆర్థిక శాఖ వెల్లడించింది.

వివాహిత మహిళ 500 గ్రాముల వరకు, అవివాహిత మహిళ 250 గ్రాముల వరకు, పురుషులు 100 గ్రాముల వరకు పన్ను లేకుండా బంగారం కొనుగోలు చేసుకోవచ్చని ఆర్థిక శాఖ వివరించింది. కాగా, సవరణలతో కూడిన ఆదాయ పన్ను చట్టం బిల్లును నవంబర్ 29న లోక్‌సభ ఆమోదించిన విషయం తెలిసిందే. అక్రమార్జనతో బంగారం కొనుగోలుచేసిన వారికి మాత్రమే పన్ను విధిస్తామని ఆర్థిక శాఖ ఆ బిల్లులో పేర్కొంది.