కేదార్‌నాథ్ ఆలయానికి పెంపుడు కుక్కను తీసుకెళ్లిన వ్లాగర్... కేసు పెట్టిన పూజారులు

నోయిడా వ్లాగర్ ఇబ్బందుల్లో పడ్డాడు. తన పెంపుడు కుక్కను కేదార్‌నాథ్ పుణ్యక్షేత్రానికి తీసుకెళ్లి దానికి తిలకం దిద్దాడు. దాంతో పూజారుల ఆగ్రహానికి గురయ్యాడు. నోయిడాలో ఉండే వికాష్ త్యాగి (33) చార్‌థామ్ యాత్రలో భాగంగా తన నాలుగున్నరేళ్ల పెంపుడు కుక్కను (నవాబ్) తీసుకుని పవిత్ర పుణ్యక్షేత్రమైన కేదార్ నాథ్ ఆలయానికి వెళ్లాడు. అయితే నవాబ్ ఆలయ వెలుపల ఉన్న నందిని తాకి ఆశీర్వాదం తీసుకుంది. అప్పుడే ఆ కుక్కకు తిలకం కూడా దిద్దారు. తర్వాత దీనికి సంబంధించిన వీడియో ఇన్‌స్టాగ్రామ్‌లో huskyindia0 అనే అకౌంట్‌లో ఎవరో పోస్ట్ చేశారు. ఆ వీడియోను కాస్తా వైరల్ అవ్వడంతో దానిపై బద్రీనాథ్-కేదార్ నాథ్ ఆలయ కమిటీ మండిపడింది. కమిటీ సభ్యులు కుక్క యజమానిపై కేసు కూడా పెట్టారు. ఇది కించపరిచే చర్యగా అభివర్ణించారు. ఇలాంటి వ్లాగర్లు భక్తితో రారని ఆలయ కమిటీ ఆగ్రహం వ్యక్తం చేసింది. వీడియోలు షూట్ చేసేందుకు మాత్రమే వస్తారని, ఈ వీడియో యాత్రికుల మనోభావాలను దెబ్బతీసేలా ఉందని కమిటీ అభిప్రాయపడింది. అయితే ఆలయంలో భక్తుల తాకిడీ ఎక్కువగా ఉండడంతో భద్రతాపరమైన సమస్యలు తలెత్తుతాయని స్థానిక సీనియర్ పోలీసు అధికారి చెప్పుకొచ్చారు.


ఇక 74K కంటే ఎక్కువమంది అనుచరులను కలిగి ఉన్న huskyindia0 అకౌంట్‌లో అప్‌లోడ్ చేసిన ఈ వీడియోతో కుక్కే తన అనుభవాన్ని రాస్తున్నట్టుగా చిన్న టెక్ట్స్ పోస్ట్ చేశారు. అందులో విచిత్రంగా తనను పెంచుకున్నవారు.. తనను అన్ని దగ్గర్లకి తీసుకెళ్తున్నారని, కానీ వారు దాంతో ఇబ్బందులు పడుతుంటారని, కానీ ఆ సమస్యతో పోరాడుతారని రాసుకొచ్చారు. "హే నేను నవాబ్ (కుక్క). నా వయస్సు 4.5 సంవత్సరాలు. నేను ఈ నాలుగేళ్లలో ప్రయాణించినంతగా 70 ఏళ్లు వయస్సున్న వ్యక్తి కూడా ప్రయాణం చేయలేడని గర్వంగా చెప్పగలను. ఎందుకంటే నా పేరంట్స్ నన్ను ప్రతి చోటకు తీసుకెళ్లడం వల్ల ఇది జరిగింది. నన్ను తీసుకెళ్లడం వల్ల వాళ్లు ఇబ్బందులు పడరని కాదు. కానీ వాళ్లు ఆ సమస్యతో పోరాడతారు. కానీ ఎప్పుడూ నన్ను మీ వెంట తీసుకెళ్లండి."

Read also:అసోం బీజేపీ ఎమ్మెల్యేపై నెటిజన్లు ఫైర్... అవమానించకండంటూ కామెంట్స్