అసెంబ్లీలో 'నగ్న' సత్యాలు

ఒక రాష్ట్ర శాసన సభలో నగ్నంగా నిలబడి భార్యభర్తలు అనుకుంటూ ప్రవచనాలు చెప్తే, సీఎం, గవర్నర్, మంత్రులు అలాగే పార్టీలకతీతంగా ఎమ్మెల్యేలు శ్రద్ధగా విన్నారు. ఈ అపూర్వ సన్నివేశం హరియాణ రాష్ట్ర అసెంబ్లీలో చోటుచేసుకుంది.
హరియాణ రాష్ట్రంలో వర్షాకాల అసెంబ్లీ సమావేశాల ప్రారంభం సందర్భంగా ' కడ్వె వచన్' (ఛేదు ప్రవచనాలు) పేటిట సమావేశాన్ని ఏర్పాటు చేశారు. ఈ సమావేశంలో జైన దిగంబర తరుణ్ సాగర్ బాబాను ఆహ్వానించారు. ఆ బాబా వచ్చి అసెంబ్లీలో సీఎం, గవర్నర్ స్థాయిల కంటే ఎత్తులో ఉన్న కుర్చీలో నగ్నంగా కూర్చుని ప్రసంగించారు.
"ధర్మ భర్త అయితే.. రాజకీయాలు భార్య లాంటిది. భార్యపై భర్త నియంత్రణ ఏ విధంగా అయితే ఉంటుందో.. రాజకీయాలపై ధర్మం నియంత్రణ అదేవిధంగా ఉండాలి." అంటూ మన బాబా చెప్పిన 'నగ్న' సత్యాలను ప్రజాప్రతినిధులు చెవులు బార్లా తెరిచి విన్నారు.
ఆడపిల్లలు, భ్రూణ హత్యలు, దేశంలో విద్య- వైద్యం, ఉపాధి అలాగే పాకిస్థాన్ లో ఉగ్రవాదం ఇలా అనేక విషయాలపై బాబా మాట్లాడారు.
ఆడపిల్లలు లేని ఇంట్లోని మగవారిని ఏ ఆడపిల్లతో పెళ్లి జరిపించకూడదు, నేర చరిత్ర ఉన్న వారిని చట్ట సభల్లోకి తీసుకు రావద్దు. అంటూ బోధించారు. ఇదే సమయంలో పాకిస్థాన్ ను విమర్శల బాణాలు విసిరారు. పాకిస్థాన్ దేశం ఉగ్రవాదులను పోషించడం అంటే అది భస్మాసురులను తయారు చేసుకుంటున్నట్లే. 'ఒకసారి తప్పు చేస్తే అజ్ఞాని, రెండో సారి చేస్తే మూర్ఖుడు, మూడో సారి చేస్తే సైతాన్, అదే తప్పును పదేపదే చేస్తే వాడే పాకిస్థాన్ ' అని కౌంటర్ వేశారు. దాదాపు 40 నిమిషాల పాటు బాబా ప్రసంగం కొనసాగింది. ఏదైమైనా ఓ బాబాను అసెంబ్లీలో తీసుకురావడం, నగ్న ప్రదర్శన చేయడం చేసి దేశ చరిత్రలో హరియాణ అసెంబ్లీ ఓ కొత్త రికార్డ్ నెలకొల్పింది.