సెల్ఫీ తెచ్చిన తంటా... పెళ్లి వేడుకలో రచ్చ, రచ్చ

యూపీ లక్నోలోని బర్రా ప్రాంతంలో పెళ్లి వేడుక ఘనంగా జరిగింది. అక్కడే రిసెప్షన్ ఏర్పాటు చేశారు. కొత్త జంట వేదికపై నిలబడి అతిథులతో పాటూ బంధువులందరితో ఫోటోలు దిగుతున్నారు. అందరూ ఫుల్ జోష్‌లో ఉన్నారు. ఇంతలో ఓ వ్యక్తి అక్కడికి వచ్చాడు. నేరుగా వధువు దగ్గరకు వెళ్లాడు. మొబైల్ తీసుకొని సెల్ఫీ క్లిక్ మనిపించేందుకు ప్రయత్నించాడు. అతడు ఎవరో తెలీక అమ్మాయి కాస్త ఇబ్బంది పడింది. ఇదంతా గమనించిన పెళ్లి కొడుకు తండ్రి... స్టేజ్‌పైకి వెళ్లాడు. అతడ్ని పట్టుకొని కిందకు లాగాడు. చేత్తో చెంపపై నాలుగు పీకాడు. ఈ సీన్‌తో అందరూ షాకయ్యారు. ఏం జరుగుతుందో అర్థంకాక అందరూ చూస్తుండిపోయారు.

ఇంతలో వధువు తండ్రి వారించే ప్రయత్నం చేశాడు. ఈ సందర్భంలో తోపులాట జరిగింది. అది గమినించి పెళ్లి కొడుకు వధువు తండ్రిపై చెయ్యి చేసుకున్నాడు. తన తండ్రిపై దాడిని చూసిన వధువు... పెళ్లి కొడుకుపై చెయ్యి చేసుకుంది. ఈ గొడవలో మరో మహిళ చెప్పు దెబ్బలతో వారిపై విరుచుకుపడింది. అంతేకాదు అక్కడితో గొడవ ఆగలేదు. ఇరు వర్గాలు ఒకరిపై మరొకరు పోలీస్ స్టేషన్‌లో ఫిర్యాదులు కూడా చేసుకున్నారు. ఈ ఫైటింగ్ సీన్ అంతా సీసీ కెమెరాల్లో రికార్డయ్యాయి. వీడియా కూడా వైరల్‌గా మారింది.