అలా వచ్చాడు ఇలా దోచాడు.. ఓరి పిల్ల పిడుగా

వీడు సామాన్యుడు కాదు. పట్టుమని 15 ఏళ్లు కూడా లేవు. బ్యాంకులో ఎంత సింపుల్‌గా డబ్బు దోచేశాడో చూడండి. కాని నిఘా నేత్రమైన సీసీ కెమెరాకు అడ్డంగా బుక్కయ్యాడు. ఉత్తరప్రదేశ్‌లో జరిగిన ఈ దోపిడీ సీన్ వైరల్‌గా మారింది. రామ్‌పూర్ ఎస్బీఐ బ్రాంచ్‌లో ఓ దొంగతనం జరిగింది. మూడు లక్షల రూపాయలు మాయం అయ్యాయి. డబ్బు గురించి ఆరా తీయగా... ఎలాంటి ఆధారాలు దొరకలేదు. అనుమానంతో చివరికి సీసీ ఫుటేజ్‌ను పరిశీలించగా అసలు విషయం బయటపడింది. ఓ చిన్న కుర్రాడు డబ్బు బ్యాగుతో బయటకు వెళుతున్నట్లు తేలింది.

ఆ కుర్రాడు బ్యాంకు లోపలి నుంచి బులుగు రంగు బ్యాగుతో బయటకు వచ్చాడు. మరో కెమెరాలో చోరీకి ముందు అతడు బ్యాంకులో అనుమానాస్పదంగా కలియతిరగడం రికార్డయ్యింది. ఆ రూ. 3లక్షలు ఈ పిల్లవాడే ఎత్తుకెళ్లాడని తేల్చుకున్న బ్యాంకు అధికారులు పోలీసుల్ని ఆశ్రయించారు. సీసీ ఫుటేజ్‌ను కూడా వారికి అందజేశారు. వెంటనే రంగంలోకి దిగిన పోలీసులు... కుర్రాడిని వెతికే పనిలో ఉన్నారు. బ్యాంకులకు సెక్యూరిటీ పెరిగిపోవడంతో దొంగల కూడా రూటు మార్చినట్లు తెలుస్తోంది. అందుకే చిన్న పిల్లల్ని పంపించి... ఇలా చోరీల చేయిస్తున్నట్లు పోలీసులు అనుమానాలు వ్యక్తం చేస్తున్నారు.