మహిళా క్యాబ్ డ్రైవర్ ఆత్మహత్య

బెంగళూరులో తొలి మహిళా క్యాబ్ డ్రైవర్‌గా పేరుపొందిన భారతి వీరత్ (39) ఆత్మహత్యకు పాల్పడింది. ఆమె ఆంధ్రప్రదేశ్ లోని ఒంగోలుకు చెందిన వ్యక్తిగ గుర్తించారు. పదేళ్ల క్రితం బెంగళూరుకు వలవ వచ్చింది. ఆమె మొదట టైలర్ గా పనిచేసేది. తరువాత ఓ ఎన్జీవో ఆమెకు కారు డ్రైవింగ్ లో శిక్షణ ఇచ్చింది. ఆమె ఊబర్ లో డ్రైవర్ గా చేరింది. ఆమె ఒంటరిగా నివసిస్తోంది. ఇటీవలే ఆమె తన స్వస్థలానికి వెళ్లాలని నిర్ణయించుకున్నట్టు ఇంటి యజమానికి చెప్పింది. ఆమె రెండు రోజులుగా కనిపించకపోవడంతో ఇంటి యజమాని ఆమె ఫ్లోర్‌కు వెళ్లి చూశారు. కిటికీలోంచి చూడగా భారతి ఉరి వేసుకుని కనిపించింది. వెంటనే పోలీసులకు సమాచారం అందించారు. గదిలో ఎలాంటి సూసైడ్ నోట్ దొరకలేదు. ఆమె కారు ఇంటి ముందే పార్క్ చేసి ఉంది.