Amritpal Singh ఖలిస్థానీ సానుభూతిపరుడు అమృత్‌పాల్‌ సింగ్‌ (Amritpal Singh) కోసం పంజాబ్ పోలీసులు, సైన్యం సంయుక్తంగా గాలింపు కొనసాగిస్తున్నాయి. ఈ నేపథ్యంలో అతడు దేశం విడిచి పారిపోయేందుకు తీవ్రంగా యత్నిస్తున్నట్లు నిఘా వర్గాలు అనుమానిస్తున్నాయి. అమృత్‌పాల్‌ సింగ్‌ నేపాల్‌ మీదుగా కెనడాకు పారిపోయే అవకాశాలున్నట్లు అధికారులు భావిస్తున్నారు. తన బంధువుల వ్యాపార సంస్థలో ఉద్యోగం కోసం చాలా కాలం దుబాయ్‌లో ఉన్న అమృత్‌పాల్‌కు అక్కడే పాకిస్థాన్ గూఢచారి సంస్థ ఐఎస్ఐ ఏజెంట్లతో పరిచయాలు ఏర్పడ్డాయి.
నటుడు దీప్ సిద్ధూ హత్య అతడికి అనుకూలంగా మారింది. నాయకత్వ లేమితో సతమతమవుతోన్న ‘వారిస్‌ పంజాబ్ దే’ను హైజాక్‌ చేశాడు. అక్కడి నుంచి మెరుపు వేగంతో ఎదిగిన అమృత్‌పాల్‌కు.. సిక్‌ ఫర్‌ జస్టిస్‌ సంస్థతోనూ సన్నిహిత సంబంధాలు ఉన్నాయి. తరచూ పంజాబ్‌లోకి చొరబడే డ్రోన్ల ద్వారా అమృత్‌పాల్‌కు అవసరమైన ఆయుధాలు పాకిస్థాన్ అందజేసినట్టు అనుమానిస్తున్నారు. అమృత్‌పాల్‌కు యూకేలో ఉంటున్న అవతార్‌ సింగ్‌ ఖండా ప్రధాన హ్యాండిలర్‌గా వ్యవహరిస్తున్నట్లు గుర్తించారు.
ఉగ్రవాది పమ్మా, అవతార్‌ సింగ్‌‌కు మధ్య మంచి సంబంధాలు ఉన్నాయి. ఏడాది కిందటి వరకూ అనామకుడిగా ఉన్న అమృత్‌పాల్‌ ఎదుగుదల వెనుక అవతార్‌ ప్లాన్లు ఉన్నాయని నిఘా వర్గాలు భావిస్తున్నాయి. గతంలో అమృత్‌పాల్‌ కనీసం తలపాగా కూడా ధరించేవాడు కాదు. దీప్ సిద్ధూ మరణంతో అమృత్‌పాల్‌ జీవితమే మారిపోయింది. ‘వారిస్‌ పంజాబ్ దే’కు తానే నాయకుడినని ప్రకటించుకొన్నాడు.
ఆనంద్‌పూర్‌ ఖల్సా ఫోర్స్‌ (ఏకేఎఫ్‌) పేరుతో అమృత్‌పాల్‌ సొంతగా ఓ ప్రైవేటు సైన్యాన్ని ఏర్పాటు చేశాడు. ఈ పేరుతో ఉన్న జాకెట్లను భద్రతా దళాలు స్వాధీనం చేసుకొన్నాయి. జల్లూపూర్‌ ఖేడా గ్రామంలోని అమృత్‌పాల్‌ ఇంటిపై ఏకేఎఫ్‌ అని రాసి ఉండటాన్ని దళాలు గుర్తించాయి. దీనికి తోడు నిన్న అమృత్‌పాల్‌ వాహనం నుంచి తూటాలు, తుపాకులను స్వాధీనం చేసుకొన్నారు. ఈ దళం సహకారంతోనే అజ్‌నాలా స్టేషన్‌పై దాడి జరిగినట్లు అనుమానిస్తున్నారు.
Read More Latest National News And Telugu News
నటుడు దీప్ సిద్ధూ హత్య అతడికి అనుకూలంగా మారింది. నాయకత్వ లేమితో సతమతమవుతోన్న ‘వారిస్‌ పంజాబ్ దే’ను హైజాక్‌ చేశాడు. అక్కడి నుంచి మెరుపు వేగంతో ఎదిగిన అమృత్‌పాల్‌కు.. సిక్‌ ఫర్‌ జస్టిస్‌ సంస్థతోనూ సన్నిహిత సంబంధాలు ఉన్నాయి. తరచూ పంజాబ్‌లోకి చొరబడే డ్రోన్ల ద్వారా అమృత్‌పాల్‌కు అవసరమైన ఆయుధాలు పాకిస్థాన్ అందజేసినట్టు అనుమానిస్తున్నారు. అమృత్‌పాల్‌కు యూకేలో ఉంటున్న అవతార్‌ సింగ్‌ ఖండా ప్రధాన హ్యాండిలర్‌గా వ్యవహరిస్తున్నట్లు గుర్తించారు.
ఉగ్రవాది పమ్మా, అవతార్‌ సింగ్‌‌కు మధ్య మంచి సంబంధాలు ఉన్నాయి. ఏడాది కిందటి వరకూ అనామకుడిగా ఉన్న అమృత్‌పాల్‌ ఎదుగుదల వెనుక అవతార్‌ ప్లాన్లు ఉన్నాయని నిఘా వర్గాలు భావిస్తున్నాయి. గతంలో అమృత్‌పాల్‌ కనీసం తలపాగా కూడా ధరించేవాడు కాదు. దీప్ సిద్ధూ మరణంతో అమృత్‌పాల్‌ జీవితమే మారిపోయింది. ‘వారిస్‌ పంజాబ్ దే’కు తానే నాయకుడినని ప్రకటించుకొన్నాడు.
ఆనంద్‌పూర్‌ ఖల్సా ఫోర్స్‌ (ఏకేఎఫ్‌) పేరుతో అమృత్‌పాల్‌ సొంతగా ఓ ప్రైవేటు సైన్యాన్ని ఏర్పాటు చేశాడు. ఈ పేరుతో ఉన్న జాకెట్లను భద్రతా దళాలు స్వాధీనం చేసుకొన్నాయి. జల్లూపూర్‌ ఖేడా గ్రామంలోని అమృత్‌పాల్‌ ఇంటిపై ఏకేఎఫ్‌ అని రాసి ఉండటాన్ని దళాలు గుర్తించాయి. దీనికి తోడు నిన్న అమృత్‌పాల్‌ వాహనం నుంచి తూటాలు, తుపాకులను స్వాధీనం చేసుకొన్నారు. ఈ దళం సహకారంతోనే అజ్‌నాలా స్టేషన్‌పై దాడి జరిగినట్లు అనుమానిస్తున్నారు.
Read More Latest National News And Telugu News