బలనిరూపణకు అవకాశం ఇవ్వండి: పన్నీర్ సెల్వం

తమిళనాడు గవర్నర్ విద్యాసాగర్ రావుతో ఆపద్ధర్మ ముఖ్యమంత్రి పన్నీర్ సెల్వం గురువారం సాయంత్రం భేటీ అయ్యారు. గవర్నర్‌తో 15 నిమిషాల పాటు సమావేశమైన పన్నీర్ సెల్వం అసెంబ్లీలో బల నిరూపణకు తనకు అవకాశం ఇవ్వాల్సిందిగా కోరారు. గవర్నర్‌తో సమావేశం అనంతరం మీడియాతో మాట్లాడిన పన్నీర్.. తనతో సీఎం పదవి నుంచి బలవంతంగా రాజీనామా చేయించారని చెప్పారు. మెజారిటీ ఎమ్మెల్యేల మద్దతు తనకే ఉందని, శశికళకు లేదని వెల్లడించారు.

కాగా, అన్నాడీఎంకే ప్రధాన కార్యదర్శి శశికళకు ఈరోజు రాత్రి 7.30 గంటలకి గవర్నర్ అపాయింట్‌మెంట్ ఇచ్చారు. 130 మంది ఎమ్మెల్యేల మద్దతు తనకు ఉన్నట్లు చెపుతున్న శశికళ... తనతో సీఎంగా ప్రమాణస్వీకారం చేయించాలని గవర్నర్‌ను కోరనున్నారు. అలాగే ఎమ్మెల్యేలు తనను శాసనసభా పక్ష నేతగా ఎన్నుకున్న లేఖను గవర్నర్‌కు అందించనున్నారు.