ప్రతిపక్షాల తీరుకు 'మోదీ' సంచలన నిర్ణయం!

ప్రధానమంత్రి నరేంద్ర మోదీ సంచలన నిర్ణయం తీసుకున్నారు. పార్లమెంటు సమావేశాల్లో చోటుచేసుకున్న పరిణామాలు, ప్రతిపక్షాల తీరుకు నిరసనగా బీజేపీ ఎంపీలంతా నిరాహారదీక్ష చేపట్టాలని పార్టీ ఎంపీలకు పిలుపునిచ్చారు. శుక్రవారం (ఏప్రిల్ 6) పార్లమెంటు నిరవధికంగా వాయిదాపడిన అనంతరం జరిగిన బీజేపీ పార్లమెంటరీ సమావేశంలో ఆయన ఈ నిర్ణయం తీసుకున్నారు.

ఈ మేరకు ఏప్రిల్ 12న దీక్షకు దిగాలని మోదీ సూచించారని... కేంద్ర మంత్రి అనంత్ కుమార్ మీడియాకు తెలిపారు. కాంగ్రెస్ పార్టీ దేశంలో మోసపూరిత విధానాలను అవలంభిస్తుందని అన్నారు. మోదీ ప్రభుత్వం ఆరోగ్యకరమైన రాజకీయాల కోసం బీజేపీ ప్రయత్నిస్తుంటే.. కాంగ్రెస్ ఇలా చేయడం తగదన్నారు. కేంద్రంపై తప్పుడు ప్రచారాలు చేస్తూ, ప్రజల్లోకి తప్పుడు సంకేతాలను పంపుతోందని మండిపడ్డారు.