గుట్కా ఉమ్మాలి.. విమానం కిటికీ తెరుస్తారా? ప్రయాణికుడి ప్రశ్నకు ఎయిర్‌హోస్టెస్ షాక్

విమానాల్లో ఇటీవల విచిత్రమైన సంఘటనలు చోటు చేసుకుంటున్నాయి. మద్యం మత్తులో మహిళా ప్రయాణికురాలిపై మూత్ర విసర్జన చేసిన ఘటన అందరినీ ఆశ్చర్యానికి గురి చేయగా.. తాజాగా మరో ఘటన వెలుగులోకి వచ్చింది. గుట్కా ఉమ్మేందుకు కిటికీ తెరవమని కోరాడు ఓ యువ ప్రయాణికుడు. అది విని ఎయిర్‌హోస్టెస్ నవ్వాపుకోలేకపోయింది. తోటి ప్రయాణీకులు కూడా గొల్లుమని నవ్వారు. ఇందుకు సంబంధించిన వీడియో సోషల్ మీడియాలో వైరల్ అవుతోంది..

విమానం గాల్లో ఉండగా.. ఓ వ్యక్తి ఎయిర్‌హోస్టెస్‌ను పిలిచాడు. ‘కిటికీ తెరువొచ్చా.. నేను గుట్కా ఉమ్మాలి’ అని ఆమెను అడిగాడు. ఆ ప్రశ్నకు ఆమె నివ్వెరపోయింది. ఆమెతో పాటు తోటి ప్రయాణీకులు నవ్వుతూ కనిపించారు. ఆ యువకుడు తన చేతుల్లో ఏదో నలుస్తున్నట్లు వీడియోలో కనిపిస్తోంది.


గోవింద్ శర్మ అనే వ్యక్తి ఈ వీడియోను ఇన్‌స్టాగ్రామ్‌లో అప్‌లోడ్ చేశారు. ‘మీ గుట్కా ప్రియులను ట్యాగ్ చేయండి’ అని రాసుకొచ్చాడు. కామెంట్ బాక్స్‌లో నెటిజన్లు సరదా వ్యాఖ్యలు చేశారు. ‘కాన్పూర్ విమానాలు ఈ ఫీచర్‌ను అప్‌గ్రేడ్ చేశాయి’ అని ఓ యూజర్ రాశారు. మరో నెటిజన్ ‘గుట్కా మేటర్స్’ అని రాశాడు.