టీటీవీ దినకరన్ ఇంటిపై పెట్రో బాంబు దాడి యత్నం

ఆర్కేనగర్‌ ఎమ్మెల్యే, శశికళ మేనల్లుడు టీటీవీ దినకరన్‌ ఇంటిపై ఈరోజు మధ్యాహ్నం గుర్తుతెలియని వ్యక్తులు పెట్రోల్‌ బాంబుతో దాడి చేశారు. ఈ ఘటనలో కారు ధ్వంసంకాగా, ముగ్గురు వ్యక్తులు గాయపడ్డారు. దినకరన్‌ ఇటీవల బుల్లెట్‌ పరిమళం అనే వ్యక్తిని పార్టీ నుంచి తొలగించారు.

తనను పార్టీని నుంచి తొలగించడంపై ప‌రిమ‌ళం... దినకరన్ పై పగను పెంచుకున్నాడు. ఆయన ఇంటిపై పెట్రోల్ బాంబుతో దాడి చేయాలని నిర్ణయించుకున్నాడు. దినకరన్ ఇంటివద్ద కారును పార్క్ చేశాడు. ఆ సమయంలో కారులోని బాంబు పేలిపోయింది. దినకరన్‌ కారు డ్రైవర్‌, వ్యక్తిగత ఫోటోగ్రాఫర్‌ డార్వన్‌తో పాటు ఓ ఆటో డ్రైవర్‌ గాయపడ్డారు. క్షతగాత్రులను సమీపంలోని ఆస్పత్రికి తరలించి చికిత్సను అందచేస్తున్నారు. ప్రధాన నిందితుడు బుల్లెట్ పరిమళం పరారీలో ఉన్నాడు. ఆయన కారు డ్రైవర్‌ ను పోలీసులు అదుపులోకి తీసుకుని విచారిస్తున్నారు.