న్యూడ్ గాళ్స్‌తో పార్టీ చేసుకున్న బడా బాబుల సంతానం

అర్ధరాత్రి న్యూడ్ గాళ్స్‌తో కలిసి తాగి తందానాలాడిన బడా బాబుల పిల్లలని పోలీసులు అరెస్ట్ చేసిన ఘటన మహారాష్ట్రలోని నాసిక్‌లో వెలుగుచూసింది. ఆదివారం అర్ధరాత్రి దాటాకా పొరుగునే వున్న ఇగత్‌పురలో వున్న ఓ విల్లాలో భరించలేనంత అధిక శబ్ధంతో మ్యూజిక్ వినబడుతుండటంతో ఆ విల్లాకు పక్కింట్లోనే వున్న మరో వ్యక్తి పోలీసులకి సమాచారం అందించాడు.

అతడు ఇచ్చిన సమాచారంతో విల్లాకు చేరుకున్న పోలీసులు అర్ధరాత్రి స్ట్రిప్‌టీజ్ పార్టీ చేసుకుంటున్న 13 మందిని అదుపులోకి తీసుకున్నారు. అరెస్ట్ అయిన వారిలో యువతులు కూడా వున్నారు. ముంబై మిర్రర్ పోలీసుల వద్ద సేకరించిన వీడియోను గమనిస్తే, ఈ పార్టీలో పాల్గొన్న అమ్మాయిలు పోలీసుల రాకను గమనించి హడావుడిగా దుస్తులు ధరిస్తున్న దృశ్యాలు కనిపించాయి.

ఘటనాస్థలంలో యెల్లో బెకన్ (పసుపు కలర్ బుగ్గ) వున్న కారుని సీజ్ చేసిన పోలీసులు.. విల్లాలో 5 లిక్కర్ బాటిల్స్‌ని స్వాధీనం చేసుకున్నారు. అరెస్ట్ అయిన నిందితులని అలా పోలీస్ స్టేషన్‌కి తీసుకెళ్లారో లేదో వెంటనే ముంబై, పూణె, నాగపూర్ వంటి పెద్ద పెద్ద నగరాలకి చెందిన ఐఏఎస్, ఐపీఎస్ అధికారుల నుంచి పోలీసులకి ఫోన్ కాల్స్ వెల్లువెత్తాయి. అప్పుడు తెలిసింది తాము అరెస్ట్ చేసింది ఐఏఎస్, ఐపీఎస్ ఆఫీసర్స్‌కి సంబంధించిన వారిని అని.

నందుర్బార్ ట్రాఫిక్ ఏసీపీ తనయుడు, నాగపూర్ డీఎస్పీ మేనల్లుడు, ఔరంగబాద్ జిల్లా అసిస్టెంట్ కలెక్టర్ తనయుడు, థానె పీడబ్లుడీ ఆఫీసర్ తనయుడు అరెస్ట్ అయిన వారిలో వున్నారు. రూ.10,000 అడ్వాన్స్ చెల్లించి నిందితులలో ఒకరు డ్యాన్సర్ గాళ్స్‌ని బుక్ చేశారని, మిగతా రూ.90,000 పార్టీ అయిన మరుసటి రోజు చెల్లించే విధంగా ఒప్పందం కుదుర్చుకున్నారని తెలుస్తోంది.

ఈ ఘటనలో ఒకరు పరారవగా నిర్వాహకులు సహా మొత్తం 13 మందిని అరెస్ట్ చేసినట్టుగా సీనియర్ పోలీస్ ఇన్‌స్పెక్టర్ సంజయ్ శుక్లా తెలిపారు. ఘటనాస్థలంలో డ్రగ్స్ కూడా లభ్యమైనట్టు ప్రత్యక్షసాక్షులు చెబుతున్న కథనాన్ని బట్టి తెలుస్తున్నప్పటికీ... నిందితులకి నార్కోటిక్స్ పరీక్షలు నిర్వహించిన తర్వాతే ఏదైందీ చెప్పగలం అంటున్నారు పోలీసులు. నిందితులంతా బెయిల్ పై విడుదలైనట్టు పోలీసులు తెలిపారు.