బీజేపీ నేతల ప్రవేశాన్ని నిషేదించిన కాలనీ!

ఆ కాలనీ బీజేపీ నేతల ప్రవేశాన్ని నిషేదించింది. దయచేసి మా కాలనీలో అడుగుపెట్టవద్దంటూ పోస్టర్లను ఏర్పాటు చేసింది. ఇదేదో ప్రత్యేక హోదాలో భాగం అనుకుంటే పొరపాటే. పైగా ఇది ఆంధ్రప్రదేశ్‌లో కూడా కాదు. దేశంలో మహిళలపై జరుగుతున్న దాడులు, అత్యాచారాలకు నిరసనగా ఉత్తరప్రదేశ్‌లోని అలహాబాద్‌లోని శివకోటి కాలనీవాసులు ఈ వినూతన నిరసనకు తెరతీశారు.

‘‘ఈ కాలనీలోకి బీజేపీ నేతలు, కార్యకర్తల ప్రవేశం నిషేదం. ఎందుకంటే ఈ కాలనీలో మహిళలు, చిన్నారులు నివసిస్తున్నారు’’ అని పోస్టర్లలో పేర్కొన్నారు. ఉన్నవ్‌లో బీజేపీ ఎమ్మెల్యేపై అత్యాచారం కేసు నమోదైన రోజు నుంచి ఈ కాలనీవారు ఆ పార్టీ నేతల ప్రవేశాన్ని నిషేదించారు.