బడ్జెట్‌కు ముందు హల్వా వేడుక

కేంద్రం ఫిబ్రవరి 1న 2017 - 18 ఆర్ధిక బడ్జెట్ ను పార్లమెంట్ లో ప్రవేశపెట్టనున్నారు. తయారైన బడ్జెట్ ప్రతులను ప్రింటింగ్ కు ఇచ్చింది ఆర్థిక మంత్రిత్వ శాఖ. ప్రింటింగ్ మొదలుపెట్టే ముందు ఆచారం వస్తున్న హల్వా వేడుకను నిర్వహించారు. ముందుగా హల్వా వేడుక చేశాక అప్పుడు ప్రింటింగ్ మొదలవుతుంది. అత్యంత పకడ్బందీగా ప్రింటింగ్ జరుగుతుంది. ప్రింటింగ్ మొదలైన రోజు నుంచి మళ్లీ ఆర్ధిక మంత్రి సభలో బడ్జెట్ ప్రవేశ పెట్టినంత వరకు ప్రింటింగ్ పనిలో ఉన్న ఉద్యోగులు, అధికారులు ఎవ్వరూ ఇళ్లకి వెళ్లరు. వారికి బాహ్య ప్రపంచంలో సంబంధాలు పూర్తిగా తెగపోతాయి. కనీసం ఫోన్ కూడా వాడకూడదు. కేవలం కొందరు సీనియర్ ఉన్నతాధికారులకే ఇంటికెళ్లే అవకాశం ఉంటుంది.

హల్వా వేడుకను ఆర్థిక మంత్రిత్వ శాఖ కార్యాలయంలో నిర్వహించారు. పెద్ద బాణలిలో హల్వా తయారుచేయించి దానిని ఆర్థిక శాఖలో పనిచేసే వారందరికీ పంచి పెట్టారు. ఈ వేడుకలో ఆర్థిక మంత్రి అరుణ్ జైట్లీ పాల్గొన్నారు.