తాట తీస్తా.. ప్రభుత్వం మాది: ఎంపీ వార్నింగ్

‘మేం అధికారంలో ఉన్నాం. కేంద్రంలో మోదీ ప్రభుత్వం... రాష్ట్రంలో యోగి ఆదిత్యనాథ్ ప్రభుత్వం ఉంది. నీ దగ్గరున్న అక్రమాస్తులను ప్రభుత్వానికి స్వాధీనం చేస్తా. నీ చర్మం ఒలిచేస్తా. సరిగ్గా పనిచేయకపోతే తాట తీస్తా’ అంటూ ఉత్తర్ ప్రదేశ్ కు చెందిన బీజేపీ మహిళా ఎంపీ ఒకరు పోలీసు ఉన్నతాధికారిపై శివాలెత్తారు.

బారంబాకీ ఎంపీ ప్రియాంక సింగ్ రావత్ ఏఎస్పీ జ్ఞానంజయ్ సింగ్ ను ఫోన్లో బెదిరించారు. ప్రవర్తనలో మార్పు రాకపోతే అంతు చూస్తానంటూ హెచ్చరించారు.

అంతేకాదు సరిగ్గా పనిచేయకపోతే తన జిల్లా నుంచి బదిలీ చేయిస్తానని మిగతా అధికారులనూ పరోక్షంగా హెచ్చరించారు.