నివాసయోగ్యమైన నగరాల జాబితా: పుణె ఫస్ట్.. టాప్‌టెన్‌లో తిరుపతి, బెజవాడ

దేశంలోని అత్యంత నివాసయోగ్యమైన నగరాలను కేంద్రం ప్రకటించింది. కేంద్ర పట్టణాభివృద్ధిశాఖ విడుదల చేసిన ఈ జాబితాలో.. పుణె టాప్‌ ప్లేస్‌లో నిలబడింది. ఆర్థిక రాజధాని ముంబై రెండు.. నవీ ముంబై మూడో స్థానాల్లో ఉన్నాయి. మిగిలిన లిస్ట్‌లో తిరుపతి, చండీఘర్, థానే, రాయపూర్, ఇండోర్, విజయవాడ, భోపాల్‌లు టాప్ టెన్‌లో నిలిచాయి. జాబితాలో టాప్ మూడు స్థానాలు మహారాష్ట్రకే దక్కగా.. దేశ రాజధాని ఢిల్లీ 65వ స్థానంలో ఉంది. ఇక చివరి స్థానంలో ఉత్తరప్రదేశ్‌లోని రాంపూర్ నిలిచింది.

తెలుగు రాష్ట్రాల విషయానికొస్తే.. తిరుపతి నాలుగో స్థానం.. విజయవాడ 9వ స్థానం దక్కించుకోగా.. తెలంగాణలో ఏ నగరానికి టాప్ టెన్‌లో స్థానం దక్కలేదు. కేంద్ర పట్టణాభివృద్ధిశాఖ ఆధ్వర్యంలో మొత్తం 111 నగరాల్లో ఈ సర్వేను నిర్వహించారు. సంస్థాగత, సామాజిక, ఆర్థిక, భౌతిక అంశాలను పరిగణలోకి తీసుకొని ఈ సర్వే నిర్వహించారు.
Read This Story In English