డిప్యూటీ సీఎం కాన్వాయ్‌పై రాళ్లు, బాటిళ్లు విసిరిన జనం

పబ్లిక్ మీటింగ్‌కి వచ్చి తిరిగి వెళ్తున్న పంజాబ్ డిప్యూటీ సీఎం కాన్వాయ్‌పై జనం రాళ్లు, బాటిళ్లు విసిరన ఘటన ఫజిల్కా జిల్లాలోని జలాలాబాద్‌లో ఆదివారం చోటుచేసుకుంది. డిప్యూటీ సీఎం సుఖ్‌బీర్ బాదల్ కాన్వాయ్‌పై జరిగిన ఈ దాడిలో మూడు పోలీసు వాహనాలు ధ్వంసమయ్యాయి. దాడి జరిగిన సమయంలో స్పెషల్ బ్రాంచ్ ఆఫీసర్ అమర్జీత్ సింగ్ కూడా ఓ పోలీసు వాహనంలోనే వున్నారు. అయితే, Z-ప్లస్ కేటగిరి సెక్యురిటీ గల బాదల్‌కి కానీ, బాదల్ ప్రయాణిస్తున్న వాహనానికి కానీ ఎటువంటి హానీ జరగలేదని స్థానిక పోలీసులు తెలిపారు.

బాదల్ కాన్వాయ్‌పై దాడికి పాల్పడినవాళ్లంతా నిరుద్యోగులేనని తెలుస్తోంది. అయితే, వీరి వెనుక ఏదైనా రాజకీయ పార్టీ ప్రోద్భలం ఉందా అనే విషయంలోనే ఇంకా ఓ స్పష్టత రాలేదన్నారు జలాలాబాద్ పోలీసులు. ప్రజాప్రతినిధిపై దాడికి పాల్పడినట్టుగా గుర్తుతెలియని దుండగులపై ఎఫ్ఐఆర్ నమోదుచేసిన పోలీసులు... అసలు నిందితులని పట్టుకునే పనిలో పడ్డారు.