కాంగ్రెస్ సీఎంకి కరోనా పాజిటివ్.. ఐసోలేషన్‌లోకి ముఖ్యమంత్రి

చిన్నాపెద్దా తేడా లేకుండా అందరినీ కమ్మేస్తోంది కరోనా మహమ్మారి. సామాన్యుల నుంచి సీఎంల దాకా అందరూ బాధితులుగా మారుతున్నారు. తాజాగా కాంగ్రెస్ సీఎం అశోక్ గెహ్లాట్‌ కరోనా బారిన పడ్డారు. తనకు కరోనా పాజిటివ్‌గా నిర్ధారణ అయిందని రాజస్థాన్ ముఖ్యమంత్రి అశోక్ గెహ్లాట్ ట్వీట్ ద్వారా వెల్లడించారు. నిన్న ఆయన భార్య సునీతకి పాజిటివ్‌గా నిర్ధారణ కావడంతో హోం ఐసోలేషన్‌లో ఉంచి చికిత్స అందిస్తున్నట్లు చెప్పారు. తాను కూడా ఐసోలేషన్‌లో ఉండనున్నట్లు సీఎం తెలిపారు.

ఈరోజు కరోనా టెస్టు చేయించుకోగా తనకు పాజిటివ్‌గా తేలిందని.. అయితే లక్షణాలేవీ లేవని సీఎం చెప్పారు. ఐసోలేషన్‌లో ఉంటూ విధులు నిర్వహిస్తానని ఆయన తెలిపారు. ఇటీవల పలువురు రాష్ట్ర ముఖ్యమంత్రులు కరోనా బారిన పడిన సంగతి తెలిసిందే. యూపీ సీఎం యోగి ఆదిత్యనాథ్, తెలంగాణ సీఎం కేసీఆర్, కర్ణాటక సీఎం బీఎస్ యెడియూరప్ప, కేరళ సీఎం పినరయి విజయన్, తమిళనాడు సీఎం ఎడప్పాడి పళనిస్వామి కరోనా నుంచి కోలుకున్నారు.

Also Read: