రాజ్యసభ ఎన్నికల షెడ్యూల్ విడుదల చేసిన ఈసీ

రాజ్యసభ ద్వైవార్షిక ఎన్నికలకు ఎన్నికల సంఘం షెడ్యూల్‌ను ప్రకటించింది. 16 రాష్ట్రాల్లో 58 స్థానాలకు ఎన్నికల నిర్వహణకు వీలుగా ఈసీ షెడ్యూల్‌ను ప్రకటించింది. ఏపీ, తెలంగాణల్లో ముగ్గురు సభ్యుల పదవీ కాలం త్వరలోనే ముగియనుంది. ఉత్తరప్రదేశ్‌లో అత్యధికంగా 9 స్థానాలు ఖాళీ అవుతున్నాయి. ఈ స్థానాలను భర్తీ చేయడానికి మార్చి 23న ఓటింగ్ నిర్వహించనున్నారు. అదే రోజున ఓట్ల లెక్కింపు జరగనుంది.

మార్చి 5న ఇందుకు ఎన్నికల సంఘం నోటిఫికేషన్‌ను విడుదల చేయనుంది. మార్చి 12 వరకూ దరఖాస్తులను స్వీకరిస్తారు. మరుసటి రోజు దరఖాస్తులన పరిశీలిస్తారు. మార్చి 15లోగా దరఖాస్తులను ఉపసంహరించుకునే వీలుంది.

పదవీ కాలం ముగిసిన 58 స్థానాలతోపాటు గతేడాది పదవికి రాజ్యసభ సభ్యత్వానికి రాజీనామా చేసిన కేరళ ఎంపీ వీరేంద్రకుమార్ స్థానానికి కూడా ఎన్నికలు నిర్వహించనున్నారు.