Ranchi court: తప్పదు రాహుల్.. రావాల్సిందే.. రాంచీ కోర్టు కీలక ఆదేశాలు!

Ranchi court: 'మోదీ ఇంటి పేరు' కేసులో కాంగ్రెస్ ముఖ్యనేత రాహుల్ గాంధీకి మరోసారి ఎదురుదెబ్బ తగిలింది. ఈ కేసులో వ్యక్తిగత హాజరు నుంచి మినహాయింపు కావాలని రాహుల్ గాంధీ (Rahul Gandhi) పిటిషన్ దాఖలు చేశారు. ఆ పిటిషన్‌ను రాంచీలోని ఎంపీ, ఎమ్మెల్యే కోర్టు బుధవారం తిరస్కరించింది. కోర్టుకు రావాల్సిందేనని స్పష్టం చేసింది. రాంచీలో ప్రదీప్ మోదీ అనే వ్యక్తి తరఫున.. రాహుల్ గాంధీపై పరువు నష్టం కేసు దాఖలైంది. ఈ కేసులో రాష్ట్ర ప్రభుత్వం తరపున అదనపు పబ్లిక్ ప్రాసిక్యూటర్ పుష్పా సిన్హా వాదించారు. రాహుల్ గాంధీ తరపున న్యాయవాది ప్రదీప్ చంద్ర వాదించారు. రాహుల్ గాంధీకి గుజరాత్‌లోని సూరత్ కోర్టు నుంచి రెండేళ్ల జైలుశిక్ష విధించింది. దీంతో పార్లమెంటు సభ్యత్వాన్ని కోల్పోయారు. రాహుల్ గాంధీ ప్రస్తుతం.. మే 10న జరగనున్న కర్ణాటక అసెంబ్లీ ఎన్నికల ప్రచారంలో బిజీగా ఉన్నారు.