బ్యాంకుల్లో సీసీటీవీ ఫుటేజీని భద్రపరచమన్న ఆర్బీఐ

బ్యాంకులో ఏర్పాటు చేసిన సీసీటీవీ ఫుటేజీని జాగ్రత్తగా భద్రపరచమని ఆర్బీఐ అన్ని బ్యాంకులను ఆదేశించింది. పెద్ద నోట్లు రద్దు అయిన రోజు నుంచి అంటే నవంబర్ 8 నుంచి డిసెంబర్ 30 వరకు ప్రతి బ్యాంకులోనూ సీసీటీవీ ఫుటేజీ జాగ్రత్తగా ఉంచాలని తెలిపింది. ఆ ఫుటేజీని పోలీసులకు, ఇతర అధికారులకు భవిష్యత్తులో ఉపయోగపడే అవకాశం ఉంటుందని ఆర్బీఐ అభిప్రాయపడింది. బ్యాంకులో ప్రతి మూల కవర్ అయ్యేటట్టు సీసీటీవీ కెమెరాలను ఉంచాలని ఆదేశించింది. గతంలో అక్టోబర్ 27న కూడా సీసీటీవీ కెమెరాలు బ్యాంకులో ప్రతి భాగం కవర్ అయ్యేట్టు అమర్చాలని ఆదేశించింది.

పెద్ద నోట్లు రద్దయ్యాక బ్యాంకు అధికారుల్లో కూడా అక్రమాలకు పాల్పడ్డారు. కోట్లలో కొత్త నోట్లను అక్రమార్కుల చేతిలో పెట్టారు. ఇలాంటి ఘటనలు పలుచోట్ల జరిగడంతో ఆర్బీఐ చాలా జాగ్రత్తలు తీసుకుంటోంది. ఆదాయపు పన్ను అధికారులు కూడా పక్కా సమాచారంతో నల్లకుబేరుల ఇళ్లపై దాడి చేసి భారీ మొత్తంలో డబ్బును స్వాధీనం చేసుకుంటున్నారు.