నకిలీ డిగ్రీ కేసులో కేంద్ర మంత్రి స్మృతికి ఊరట

నకిలీ డిగ్రీ కేసులో కేంద్ర మంత్రి స్మృతి ఇరానీకి ఊరట లభించింది. ఈ కేసులో ఆమెకు సమన్లు జారీ చేయలేమని ఢిల్లీ పాటియాల కోర్టు స్పష్టం చేసింది. నకిలీ డిగ్రీ కేసులో స్మృతికి సమన్లు జారీ చేయాలని వేసిన పిటిషన్ పై మంగళవారం విచారణ జరిపిన కోర్టు.. ఆమె ఎన్నికల కమిషన్ కు తప్పుడు విద్యార్హతలు సమర్పించారనే దానికి ఆధారాలు లేవని పేర్కొంది. ఎలాంటి ఆధారాలు లేకుండా ఆమెకు సమన్లు ఎలా జారీచేస్తామని పిటిషనర్ తరఫున న్యాయవాదిని కోర్టు ప్రశ్నించింది..

గత ఎన్నికల సమయంలో కేంద్ర మంత్రి స్మృతి విద్యార్హతలు సంబంధించి తప్పుడు సమాచారం ఇచ్చారని ఆమెపై ప్రతిపక్షాలు విమర్శల వర్షం కురిపించిన విషయం తెలిసిందే. ఢిల్లీ వర్శిటీ నుంచి బీఏ డిగ్రీని పూర్తి చేసినట్లు స్మృతి ఇరానీ ఎన్నికల కమిషన్ కు తప్పుడు సమాచారం ఇచ్చారని ప్రతిపక్షాలు ఆమెపై ఆరోపణలు చేశాయి. ఈ నేపథ్యంలో స్మృతి విద్యార్హతలపై ఢిల్లీకోర్టులో పిటిషన్ దాఖలు చేయాల్సి వచ్చింది.


తాజా తీర్పుపై బీజేపీ నేతలు హర్షం వ్యక్తం చశారు. ప్రతిపక్షాల తప్పుడు ఆరోపణలు కోర్టులో నిరూపితం కావని చెప్పడానికి ఈ తీర్పే నిదర్శమని బీజేపీ అంటోంది.. ఇదిలా ఉండగా ఈ తీర్పు ను హైకోర్టులో సవాల్ చేస్తామని ప్రతిపక్ష నేతలు పేర్కొంటున్నారు.