భార్యలని అద్దెకిచ్చే భర్తలు.. అందం, వయసుని బట్టి రేటు.! దురాచారం

రాజ్‌పుట్‌లు ఎక్కువగా నివాసముండే పాత గ్వాలియర్ రాజసంస్థానం పరిధిలోని శివపురి జిల్లాలో ఆటవిక ఆచారం రాజ్యమేలుతోంది. పేదోళ్ల భార్యలను డబ్బున్నోళ్లు అద్దెకు తీసుకునే అమానుష ఆచారం అమలవుతోంది. అక్కడి ధనవంతులు పేద మహిళలను డబ్బులిచ్చి అద్దెకు తీసుకెళ్లే దురాచారం నడుస్తోంది. అక్కడ కట్టుకున్న భర్తలే భార్యలను అద్దెకిచ్చేస్తారు. పది రూపాయల నుంచి లక్షల రూపాయల వరకూ రేటు కట్టి మరీ బడాబాబులకు భార్యలను అప్పగిస్తారు. ఆమె వయసు.. అందంపై ఆ రేటు ఆధారపడి ఉంటుంది. నెల రోజులకొక ధర, సంవత్సారానికైతే మరో రేటు చొప్పున భర్తలే పరాయి మగాళ్లతో పంపిస్తారు.

నెల రోజులు.. ఏడాదికి మహిళలను అద్దెకు తీసుకుంటారు డబ్బున్న బడాబాబులు. ప్రధానంగా యుక్తవయస్సు అమ్మాయిల నుంచి 35 ఏళ్లలోపు మహిళలను మాత్రమే ఎంచుకుంటారు. ఆమెను అద్దెకు తీసుకుంటున్నట్లు రాతపూర్వక అగ్రిమెంట్ రాసుకోవడం విశేషం. అందుకోసం బ్రోకర్ల వ్యవస్థ కూడా ఉందట. వారే మధ్యలో ఉండి భర్తకి.. అతని భార్యను అద్దెకు తీసుకునే వ్యక్తికి డీల్ కుదుర్చుతారు. ఒకసారి ఆమెను అద్దెకు తీసుకున్న తర్వాత అగ్రిమెంట్‌లో ఉన్న ప్రకారం ఆమె సేవలు చేయాల్సి ఉంటుంది. అద్దెకు తీసుకున్న వ్యక్తికి పడక సుఖంతో పాటు ఇంటి పనులు కూడా చేయాల్సి ఉంటుందట.

అయితే ఈ దురాచారం ఒక్క మధ్యప్రదేశ్‌లోని శివపురిలోనే కాదు. గుజరాత్‌లోని వెనకబడిన ప్రాంతంలోనూ ఉందని తెలుస్తోంది. గుజరాత్‌కి చెందిన ఓ వ్యవసాయ కూలీ తన భార్యను ఓ జమీందార్‌కి నెల రోజులు అద్దెకు ఇచ్చాడు. అందుకు ప్రతిఫలంగా అతని నెల జీతానికి పది రెట్లు జమీందార్ ఇచ్చినట్లు సమాచారం. ఈ అరాచకాలు.. అగ్రిమెంట్ల వ్యవహారం అక్కడి అధికారులకు తెలిసినా పట్టించుకోరు. మహిళల ఆత్మగౌరవానికి అక్కడ విలువే ఉండదు. భార్యలను అంగట్లో వస్తువులా అద్దెకివ్వడం అక్కడ అలవాటుగా మారిపోయింది. ఇలాంటి నీచ ఆచారాలు ఎప్పటికి కనుమరుగవుతాయో చూడాలి!!