సమయం మార్నింగ్ న్యూస్ బులెటిన్

* క్యూబా నేత ఫిడెల్ క్యాస్ట్రో అంత్యక్రియల కోసం న్యూఢిల్లీ నుంచి హవానా బయల్దేరి వెళ్లిన హోం మంత్రి రాజ్‌నాథ్ సింగ్ నేతృత్వంలోని బృందం. తమ ప్రియతమ నేతకు కడసారి వీడ్కోలు పలికేందుకు సిద్ధమవుతున్న క్యూబన్లు.

* జల్లికట్టు క్రీడపై 2014 నాటి తీర్పును సమీక్షించాలని కోరుతూ తమిళనాడు దాఖలు చేసిన రివ్యూ పిటీషన్‌ను తిరస్కరించిన సుప్రీం కోర్టు.

* పఠాన్‌కోట్ ఎయిర్ బేస్‌పై ఉగ్రదాడి కేసులో జైషే మహ్మద్ చీఫ్ మౌలానా మసూద్ అజహర్ సహా ముగ్గురిపై చార్జిషీట్ దాఖలుకు ఎన్ఐఏ‌కు అనుమతి ఇచ్చిన హోం మంత్రిత్వ శాఖ.

* మొహాలీ టెస్టులో 78/4తో నాలుగో రోజు ఆట ప్రారంభించనున్న ఇంగ్లండ్.

* అమెరికాలో రోడ్డు ప్రమాదం.. హైదరాబాద్‌కు చెందిన తల్లి కొడుకు దుర్మరణం.

* మోసుల్ నగరంలో వెయ్యి మంది ఐఎస్ఎస్ ఉగ్రవాదులను మట్టుబెట్టిన ఇరాక్ సైన్యం.

* అమెరికాలోని ఓహియో యూనివర్సిటీపై కాల్పులకు తెగబడిన దుండగుడు. 11 మందికి గాయాలు, ఎదురు కాల్పుల్లో దుండగుడు హతం.

* నేటి నుంచి ప్రారంభం కానున్న మకావు ఓపెన్లో బరిలో దిగనున్న స్టార్ అథ్లెట్ పీవీ సింధు.

* అమెరికా అధ్యక్ష ఎన్నికల్లో ట్రంప్ మోసానికి పాల్పడ్డారనడానికి ఎలాంటి ఆధారాలు లేవని ప్రకటించిన వైట్‌హౌస్.

* ప్రధాని నరేంద్ర మోదీతోపాటు దేశంలోని 22 మంది అగ్ర నేతలను హతమార్చేందుకు ముగ్గురు అల్‌ఖైదా ఉగ్రవాదుల కుట్ర. మదురైలో వారిని అరెస్ట్ చేసిన నేషనల్ ఇన్వెస్టిగేటివ్ ఏజెన్సీ (ఎన్ఐఏ).

* మహారాష్ట్ర మున్సిపల్ ఎన్నికల్లో బీజేపీ విజయదుందుభి. 851 స్థానాలను గెలుచుకుని సింగిల్ లార్జెస్ట్ పార్టీగా అవతరణ.

* భారత్‌లో జరగనున్న వరల్డ్ కప్ జూనియర్ హాకీలో పాక్ పాల్గొనే అవకాశాలు మృగ్యం. అధికారికంగా వీసా దరఖాస్తు గడువు ముగిశాక వీసా కోసం దరఖాస్తు చేసుకున్న పాక్ ప్లేయర్లు.

* తమిళనాడు: కడలూరు జిల్లాలోని పురాతన పుష్పగిరి మలైయాండవర్‌ ఆలయంలో బయటపడిన నేలమాళిగ. తపోసమాధి స్థితిలో మూడు అస్తిపంజరాలు లభ్యం.