​ఫోన్లో సెక్సీ టాక్.. మంత్రి పదవి ఊడింది!

72 యేళ్లున్న రాజకీయ నేత అతను... అందునా బాధ్యతయుతమైన, గౌరవనీయమైన మంత్రి పదవిలో ఉన్నాడు. అయితే బుద్ధి గడ్డి తినింది. ఒక మహిళతో అసభ్యకరమైన సంభాషణ జరిపాడు. యుక్త వయసు మనవరాళ్లను కలిగిన ఆయన కోతి వేషాలు వేశారు. మరి ఏం చేసినా తనకు అడ్డూ అదుపు లేదనుకున్న ఆ పెద్ద మనిషికి తగిన శాస్తే జరిగింది. మంత్రి పదవి ఊడింది. పరువు పోయింది.

ఆయనే శశీంద్రన్. కేరళ ఎల్డీఎఫ్ ప్రభుత్వంలో రవాణా శాఖ మంత్రి. పార్టీలో సీనియర్. మరి ఇలాంటి గౌరవప్రదమైన స్థానంలో ఉండిన శశీంద్రన్ వాటిని మరిచి తన వయసులో సగం వయసు కూడా లేని ఒక మహిళతో అసభ్యకరంగా మాట్లాడాడు. సెక్సీ టాక్ చేశాడు. అవతల వైపు నుంచి మొత్తం రికార్డు అయ్యింది. ఆ ఆడియో టీవీ చానళ్ల కు చేరింది.

ఇంకేముంది.. మంత్రిగారి శృంగార సంభాషణను చానళ్లు కేరళ ప్రజలకు వినిపించాయి. మంత్రిగారు ఎంత రసికుడో ఆయన మాటలతోనే వివరించి చెప్పాయి. నిన్నంతా కేరళ టీవీ చానళ్లలో ఈ వ్యవహారం హైలెట్ అయ్యింది. సాయంత్రానికి శశీంద్రన్ పదవికి రాజీనామా చేశారు. పరువు పోతున్న వైనాన్ని గమనించి.. ముఖ్యమంత్రి శశీంద్రన్ రాజీనామాను కోరారు. డ్యామేజ్ ను ఆ విధంగా నియంత్రించారు. పినరాయి విజయన్ ముఖ్యమంత్రి అయ్యాకా ఏర్పాటైన కేబినెట్ నుంచి రాజీనామా చేసిన రెండో మంత్రి శశీంద్రన్. ఇది వరకూ ఒక మంత్రి అవినీతి ఆరోపణలతో రాజీనామా చేశాడు.