ఆ కెమేరాలు.. అతడిని బతికించాయి!

ముంబయి: వేకువజాము 3.10 గంటలు. ముంబయి నగరమంతా గాఢ నిద్రలో ఉంది. నిత్యం రద్దీగా ఉండే బంద్రావర్లీ సీలింక్ వంతెనపై కూడా వాహనాల రాకపోకలు అంతంత మాత్రంగానే ఉన్నాయి. ఇదే అదనుగా భావించిన ఓ వ్యక్తి.. ఆత్మహత్యకు యత్నించాడు. వంతెనపై నుంచి సముద్రంలోకి దూకేందుకు సిద్ధమవుతుండగా.. అక్కడి సిబ్బంది వచ్చి రక్షించారు. అయితే, అతడి ప్రాణాలను నిలిపిన క్రెడిట్ మాత్రం.. నిఘా కెమేరాలకే దక్కుతుంది. వంతెనపై అనుమానస్పదంగా తిరుగుతూ.. నీళ్లలోకి దూకేందుకు చేస్తున్న ప్రయత్నాలు అక్కడ ఉన్న సీసీటీవీ కెమేరాలకు చిక్కాయి. కంట్రోల్ రూమ్‌‌‌‌ ‌సూపర్‌వైజర్ చేతన్ కదం ఆ దృశ్యాలు గమనించి వెంటనే అప్రమత్తమయ్యారు. హుటాహుటిన అక్కడికి చేరుకుని.. అతడికి నచ్చ జెప్పే ప్రయత్నం చేశారు. సుమారు 25 నిమిషాల నాటకీయ పరిణామాల తర్వాత వంతెన రైలింగ్‌ వదిలి బయటకు వచ్చాడు. వంతెన సిబ్బందికి, పోలీసులకు ముచ్చెమటలు పట్టించిన ఆ వ్యక్తిని భయందర్‌‌‌‌కు చెందిన ప్రదీప్ యాదవ్‌‌‌‌‌‌‌‌గా గుర్తించారు. కుటుంబ సమస్యల మూలంగా యాదవ్ ఆత్యహత్యకు యత్నించినట్లు పోలీసులు తెలిపారు. సీలింక్ వంతెనపై పదుల సంఖ్యలో ఆత్యహత్యలు చోటు చేసుకున్నాయి. దీంతో, వంతెన నిర్వాహకులు 80 అత్యాధునిక నిఘా కెమేరాలను ఏర్పాటు చేసి పర్యవేక్షిస్తున్నారు.
సంఘటన ​ దృశ్యాలివీ: