అసహజ సెక్స్‌.. సుప్రీంని ఆశ్రయించిన భార్య

అసహజ సెక్స్‌తో భర్త వేధిస్తున్నాడని ఓ భార్య ఏకంగా సుప్రీంకోర్టునే ఆశ్రయించింది. గుజరాత్‌‌లోని షబర్‌కాంతకి చెందిన బాధిత మహిళకి 2014లో డాక్టరుతో వివాహం జరిగింది. అప్పటి నుంచి తన భర్త తరచూ అసహజ సెక్స్‌లో పాల్గొనాలంటూ వేధిస్తున్నాడని ఆమె ఇటీవల పోలీసులకి ఫిర్యాదు చేసింది.

2002లో తనకి 15 ఏళ్ల వయసు ఉన్నప్పుడు నిశ్చితార్థం చేసుకున్నాడని.. ఆ తర్వాత 12 ఏళ్లకి డాక్టర్ వివాహం చేసుకున్నట్లు ఆమె ఫిర్యాదులో పేర్కొంది. దీంతో.. ఈ కేసుని కొట్టివేయాలంటూ గుజరాత్‌ కోర్టుని భర్త ఆశ్రయించగా.. ఆమె ఫిర్యాదుని గుజరాత్ కోర్టు విచారణకి తిరస్కరించింది.

గుజరాత్ కోర్టులో తనకి చుక్కెదురు కావడంతో.. బాధితురాలు సుప్రీంకోర్టుని ఆశ్రయించింది. తన భర్తకి సెక్స్ సామర్థం లేదని.. అందుకే ఈ విధంగా అసహజ సెక్స్‌లో పాల్గొనాలంటూ ఒత్తిడి చేస్తున్నట్లు పిటీషన్‌‌లో వెల్లడించింది. ఒకవేళ అతను చెప్పిన విధంగా చేయకపోతే..? శారీరకంగా, మానసికంగా వేధిస్తున్నాడని అందులో పేర్కొంది. దీంతో.. బాధితురాలి పిటీషన్‌ను విచారించేందుకు సుప్రీంకోర్టు అంగీకరించింది. అసహజ సెక్స్ అనేది.. సెక్షన్‌ 377 ప్రకారం నేరం కిందకే వస్తుందని వ్యాఖ్యానించిన సర్వోన్నత న్యాయస్థానం భర్తకి నోటీసులు జారీ చేసింది.