జీ-20 టూరిజం వర్కింగ్ గ్రూప్ సమావేశానికి శ్రీనగర్ ఆతిథ్యం ఇవ్వనుండగా... సాయుధ బలగాలు డేగ కళ్లతో గస్తీ కాస్తున్నాయి. సోమవారం నుంచి మూడు రోజుల పాటు జరిగే ఈ సమావేశానికి జీ 20 కూటమి దేశాలకు చెందిన 60 మంది ప్రతినిధులు హాజరవుతున్నారు. అత్యధికంగా సింగ్‌పూర్ నుంచి వస్తున్నట్టు అధికారులు వెల్లడించారు. 2019 ఆగస్టులో జమ్మూ కాశ్మీర్‌కు ప్రత్యేక హోదా కల్పించే ఆర్టికల్ 370 కేంద్రం రద్దు చేసిన తర్వాత ఓ అంతర్జాతీయ స్థాయి కార్యక్రమం జరగడం ఇదే మొదటిసారి.
వివాదాస్పద ప్రాంతాల్లో జీ 20 సమావేశాల నిర్వహణకు తాము వ్యతిరేకమని, అలాంటి వాటికి హాజరుకాలేమని చైనా విదేశాంగ మంత్రిత్వ శాఖ ప్రతినిధి వాంగ్ వెన్బిన్ వెల్లడించారు. ఈ నేపథ్యంలో శ్రీనగర్‌లో భారీ భద్రతను ఏర్పాటు చేశారు. మెరైన్ కమాండోలు, నేషనల్ సెక్యూరిటీ గార్డ్సుతో గస్తీ, గగనతల భద్రతలో భాగంగా యాంటీ-డ్రోన్ యూనిట్లను ఏర్పాటు చేశారు.
జీ-20 ఈవెంట్‌కు విఘాతం కలిగించేందుకు కుట్రలు చేస్తున్నారన్న నివేదికల మధ్య ఆర్మీ, బోర్డర్ సెక్యూరిటీ ఫోర్స్ (బీఎస్‌ఎఫ్), సెంట్రల్ రిజర్వ్ పోలీస్ ఫోర్స్ (సీఆర్‌పీఎఫ్), సశాస్త్ర సీమా బల్ (ఎస్‌ఎస్‌బీ), జమ్మూ కశ్మీర్ పోలీసులతో సంయుక్తంగా భద్రత ఏర్పాటు చేశారు. ప్రతినిధులు ప్రయాణించే మార్గంలో ట్రాఫిక్ కదలికపై కూడా ఆంక్షలు విధించారు. లాల్ చౌక్ ఏరియాలోని వ్యాపారాలకు ఎలాంటి ఇబ్బందీ లేకుండా దుకాణాలు తెరిచి ఉంచేందుకు ప్రత్యేక పాస్‌లు జారీ చేశారు. జీ-20 దేశాల పర్యాటక కార్యవర్గ సమావేశం విజయవంతం కావడం వల్ల జమ్మూ కశ్మీర్‌లో పర్యాటకుల రాక, పెట్టుబడులు పెరుగుతాయని లెఫ్టినెంట్ గవర్నర్ మనోజ్ సిన్హా ఆశాభావం వ్యక్తం చేశారు.
జీ-20 చీఫ్ కో-ఆర్డినేటర్ హర్ష్ వర్దన్ ష్రింగ్లా మాట్లాడుతూ.. భారత్ జీ20 అధ్యక్ష పదవిని సగానికి చేరుకుందని, ఇప్పటివరకు దేశవ్యాప్తంగా 118 సమావేశాలు జరిగాయని తెలిపారు. టూరిజంపై గతంలో నిర్వహించిన రెండు సమావేశాల కంటే శ్రీనగర్‌లో జరుగుతోన్న ఈ ఈవెంట్‌కు అత్యధిక సంఖ్యలో ప్రతినిధులు హాజరవుతున్నారని ఆయన చెప్పారు. 60 మంది ప్రతినిధులతో పాటు ప్రత్యేక ఆహ్వానితులుగా పలు దేశాల నుంచి వస్తున్నారని వివరించారు.
Read More Latest National News And Telugu News
వివాదాస్పద ప్రాంతాల్లో జీ 20 సమావేశాల నిర్వహణకు తాము వ్యతిరేకమని, అలాంటి వాటికి హాజరుకాలేమని చైనా విదేశాంగ మంత్రిత్వ శాఖ ప్రతినిధి వాంగ్ వెన్బిన్ వెల్లడించారు. ఈ నేపథ్యంలో శ్రీనగర్‌లో భారీ భద్రతను ఏర్పాటు చేశారు. మెరైన్ కమాండోలు, నేషనల్ సెక్యూరిటీ గార్డ్సుతో గస్తీ, గగనతల భద్రతలో భాగంగా యాంటీ-డ్రోన్ యూనిట్లను ఏర్పాటు చేశారు.
జీ-20 ఈవెంట్‌కు విఘాతం కలిగించేందుకు కుట్రలు చేస్తున్నారన్న నివేదికల మధ్య ఆర్మీ, బోర్డర్ సెక్యూరిటీ ఫోర్స్ (బీఎస్‌ఎఫ్), సెంట్రల్ రిజర్వ్ పోలీస్ ఫోర్స్ (సీఆర్‌పీఎఫ్), సశాస్త్ర సీమా బల్ (ఎస్‌ఎస్‌బీ), జమ్మూ కశ్మీర్ పోలీసులతో సంయుక్తంగా భద్రత ఏర్పాటు చేశారు. ప్రతినిధులు ప్రయాణించే మార్గంలో ట్రాఫిక్ కదలికపై కూడా ఆంక్షలు విధించారు. లాల్ చౌక్ ఏరియాలోని వ్యాపారాలకు ఎలాంటి ఇబ్బందీ లేకుండా దుకాణాలు తెరిచి ఉంచేందుకు ప్రత్యేక పాస్‌లు జారీ చేశారు. జీ-20 దేశాల పర్యాటక కార్యవర్గ సమావేశం విజయవంతం కావడం వల్ల జమ్మూ కశ్మీర్‌లో పర్యాటకుల రాక, పెట్టుబడులు పెరుగుతాయని లెఫ్టినెంట్ గవర్నర్ మనోజ్ సిన్హా ఆశాభావం వ్యక్తం చేశారు.
జీ-20 చీఫ్ కో-ఆర్డినేటర్ హర్ష్ వర్దన్ ష్రింగ్లా మాట్లాడుతూ.. భారత్ జీ20 అధ్యక్ష పదవిని సగానికి చేరుకుందని, ఇప్పటివరకు దేశవ్యాప్తంగా 118 సమావేశాలు జరిగాయని తెలిపారు. టూరిజంపై గతంలో నిర్వహించిన రెండు సమావేశాల కంటే శ్రీనగర్‌లో జరుగుతోన్న ఈ ఈవెంట్‌కు అత్యధిక సంఖ్యలో ప్రతినిధులు హాజరవుతున్నారని ఆయన చెప్పారు. 60 మంది ప్రతినిధులతో పాటు ప్రత్యేక ఆహ్వానితులుగా పలు దేశాల నుంచి వస్తున్నారని వివరించారు.
Read More Latest National News And Telugu News